LaCivita, Fabrizio, Manafort, Griffin, pra sherifi dhe tre kauboj që thjeshtë janë një bandë që kanë ardhur të marrin ca miliona plakut milioner Sali Berisha, kanë një problem… mos deklarimin e detyruar pranë autoriteteve amerikane të këtij lobimi, shumën dhe tarifën në bazë të cilës taksohen.
Kjo hedh hije dyshimi se palët i friksohen kësaj gjëje, sepse burimi i parave do ishte i dyshimt kur paguhet nga një person si Sali Berisha, i akuzuar familjarisht për korrupsion madhor nga vetë SHBA dhe nën hetim nga drejtësia shqiptare për të njejtën vepër penale.
Më 10 shkurt, LaCivita dhe Manafort mbërritën në Shqipëri për t’u takuar me ekipin e fushatës së Berishës. LaCivita deklaroi për “The New York Times” se nuk ishte aty për të lobuar, por vetëm për të ofruar këshillim për fushatën.
Pra janë duke i’u shmangur qëllimit të tyre, për të marrë para të pista me sekserin e Gërdecit Fatmir Mediun, pa u marrë vesh nga shteti amerikan, gjë që mund të krijonte kushte dhe dyshime që aktiviteti të hetohej nga organet ligjëzbatuese.
Kjo intrigë e momentit mund të funksionoi, pas përpjekjeve të administratës Trump për të zbutur ndikimin e ligjit mbi Regjistrimin e Agjentëve të Huaj (FARA), për t’i hapur rrugë pagesave të majme për lobistët që përfaqësojnë interesa të huaja, pa ndonjë mbikëqyrje domethënëse nga autoritetet amerikane.
Regjistrimi në “FARA” mbetet në teori i detyrueshëm, por nuk ka më ndëshkime penale, ndryshe nga më parë, kur u përdorën për të ndjekur penalisht vetë Manafortin e LaCivitës, i cili u dënua me burg, por u fal nga Trump në presidencën e parë. Administrata gjithashtu ka shpërbërë “Task Forcën” për Ndikimin e Huaj, që hetonte rastet e lobimit të paregjistruar.
Një kontroll në regjistrin e “FARA-s” të premten në mëngjes tregonte se asnjë nga të përfshirët në fushatën e Berishës nuk është regjistruar për të lobuar në emër të tij, shkruan Hulffpost
Në shkrim gazetarja Amanda Moore shkruan se edhe pse nuk lejohet të “shkelë” në SHBA dhe Mbretërinë e Bashkuar, si i sanksionuar për korrupsion madhor, krim të organizuar, dhe minim të demokracisë, Berisha po merr ndihmë direkte nga këshilltarë të fushatave të republikanëve si Chris LaCivita, por pa deklaruar nje gjë të tillë.
Kjo gjë në Shqipëri përbën një krim të rëndë elektoral, kur vetëm për një lobim shumë herë më të vogël që akuzohet për momentin Ilir Meta është pas hekurave.
Ndërsa Berisha i akuzuar për afera milionash as që pyetet dhe siç duket, Dumani e përdor SPAK edhe për pak muaj deri në largimin e tij, si një një ndërmarje private dhe jo si strukturë hetimore, për çdo vepër penale nga zyrtarët e këtij vendi, duke hedhur hije dyshimi se edhe zyrtarët i seleksionojnë “famozet” e momentit në SPAK, sipas oreksit të tyre. /Ekskluzive.al
