Kryeministri i vendit, Edi Rama, ka dhënë një intervistë për CNN ku ka folur për situatën e afganëve. Rama u shpreh se do të mirëpresim në vendin tonë rreth 4 mijë afganë.
Rama bën bilancin e qeverisë: Ky mandat u mbyll me nota pozitive, por ka shumë sektorë për të përmirësuar, do luftojmë korrupsionin dhe do rrisim pagat
Basha replikon me Ramën: Përsëriti mashtrimet e vjetra, krimi dhe korrupsioni kanë kapur shtetin, PD e angazhuar për të sjellë zgjidhje
Afganët do të qëndrojnë 1 vit në Shqipëri, qeveria ngre Task-Forcë për mbrojtjen e tyre, DASH ende pa datë mbi fluturimet drejt vendit tonë
Rama theksoi për “CNN” se ka parë listën e grupit të parë me 2 mijë afganë që do të vijnë në Shqipëri, të cilët theksoi se janë artistë, gazetarë, kineastë, yje filmash, apo fytyra që ndoshta i kemi njohur përmes netflix.
“Duke parë listën që kemi marrë, emrat e njerëzve, profilet e tyre mund të shihja artistë, gazetarë, kineastë, yje filmash, apo fytyra që ndoshta i kemi njohur përmes netflix, filmave.
Si mund t’i lëmë këta njerëz në baltë?! Si mund t’ua mbyllim përgjithnjë dritaren e krijimtarinë dhe ëndrrave dhe shpresave. Duke iu thënë që në 5 vitet që vijnë do përpiqemi t’ju nxjerrim prej andej ndërkohe që për ta ka një litar të errët për të përgatitur për të varur ëndrrat, shpresat dhe ata vetë” tha ai.
Por sa afganë do të pranojë Shqipëri? Ndryshe nga intervistat e tjera për mediat spanjolle dhe italiane, sot Edi Rama tha se numri i atyre që do të strehohen do të jetë rreth 4 mijë.
“Për momentin po punojmë për listat që po na sjellin, mund të numërojmë 2 mijë të listuar dhe 2 mijë të tjerë që po punojmë për t’u përgatitur për t’i mirëpritur, do të ketë rreth 4 mijë” tha ai.
Gazetarja e pyeti kryeministrin nëse është gati Shqipëria t’i pranojë në mënyrë të përhershme afganët? Edi Rama u shpreh se nëse afganët duan të qëndrojnë janë të mirëpritur të qëndrojnë në vendin tonë përgjithmonë.
“Nuk është çështja nëse jam i gatshëm, është çështja që ky është një vend, ku Kushtetuta e parë, Kanuni i më shumë se 100 viteve më parë, në paragrafin e parë kishte të shkruar, “shtëpia e shqiptarit i përket Zotit dhe mikut”, ata do të jenë miqtë tanë, nëse duan të qëndrojnë janë të mirëpritur të qëndrojnë” tha ai.
