Një burrë ka mbetur i tmerruar pasi u dërgua me urgjencë në spital pasi trupi i tij ishte bërë i kaltër nga koka te këmbët, për të zbuluar më vonë arsyen e vërtetë.
Tommy Lynch, 42 vjeç, kur u zgjua në mëngjes u habit kur pa se lëkura e tij ishte bërë blu dhe dukej “si një Avatar”
Ai tha se ndihej “jashtëzakonisht i lodhur”, ndërsa një mik i tij, i cili punon si kujdestar, u shqetësua menjëherë kur e pa dhe vendosi ta dërgojë me urgjencë në spitalin më të afërt.
Sapo mbërriti në urgjencë, Tommy u mor menjëherë nga mjekët dhe brenda pak minutash iu dha një shtrat. Stafi mjekësor i shqetësuar e vendosi edhe në oksigjen, pasi nuk e kuptonin menjëherë se çfarë po ndodhte.
Por misteri u zgjidh shpejt kur një nga mjekët ia fërkoi krahun me një pecetë me alkool. Në atë moment, peceta u bë blu, dhe u kuptua se ngjyra kishte kaluar nga çarçafët e rinj që Tommy kishte përdorur pa i larë më parë.
Në fakt, ishte boja e çarçafëve ajo që kishte njollosur lëkurën e tij gjatë gjumit.
Tommy tha se në fund situata i bëri mjekët të qeshnin me të madhe, ndërsa ai vetë u largua nga spitali “më shumë i kuq nga turpi sesa i kaltër”.
Punëtori i ndërtimit nga Castle Gresley, Derbyshire, tregoi me humor për ngjarjen:
“Nuk e dija kurrë që duhet t’i lash çarçafët para se të flesh mbi to. Të gjithë në urgjencë më shikonin sikur të kishin parë një fantazmë. Duhej të shkoja te sporteli dhe nuk dija çfarë të thosha – ‘përshëndetje, jam zgjuar i kaltër’”.
