Nga tryeza ku ambasadorë të BE-së, ekspertë ndërkombëtarë dhe drejtues të institucioneve shqiptare analizuan arritjet e detyrave të kapitullit 27 për mjedisin, ministri Blendi Klosi tha se ka ardhur koha për aksione konkrete për ta bërë Shqipërinë të pastër dhe për të goditur ata që ndosin më shumë.
“Ne kemi vendosur që direktivën tonë ta çojmë drejt reduktimit të qeseve plastike përfundimisht në Shqipëri dhe 1 qershori 2020 të shënojë Shqipërinë si vendin e parë europian pa qese plastike mbajtëse”, tha ministri Klosi.
Strategjia jonë e shpallur tashmë prej dy vitesh “Clean and Green 2020” synon që Shqipërinë në vitin 2020 ta ketë një vend më të pasër dhe më të gjelbëruar .
A ia kemi dalë që ne sot të jemi më të pastër si dy vjet më parë? Kjo nuk diskutohet që jemi më të pastër se dy vjet më parë , por a jemi të pastër aq sa e pretendojnë materialet që ju keni në tavolinë?.
A jemi ne aq të rregullt në menaxhimin e problematika mjedisore aq sa ligjet dhe projektvendimet që miratojmë e kërkojnë?
Direktiva për lejet mjedisore e përkthyer prej 9 vitesh tashmë e miratuar në vitin 2012 kërkon që të shkohet në një leje mjedisore, asaj që mbron mjedisin, ndërkohë përkthimi në shqip në një mënyrë ose tjetër e bëri Shqipërnë me 3 leje mjedisore; a b dhe c .
Leja c orientoi të gjithë strukturën mjedisore drejt një qorrsokaku dhe ata që vuajnë shumë nga kjo është biznesi I vogël ndërkohë që të gjitha këto I bëjmë për më shumë ekonomi më shumë para, punëism, jetë më të mirë për qytetaret.
Kemi shumë nevojë dhe këtë e kam ngritur me gjithë grupin e ambasadorëve dhe besoj kemi një dakordësi të plotë me kolegët ambasadorë që ka ardhur koha që jo vetëm të kërkojmë përkthimin, miratimin e këtyre direktivave por të kërkojmë implementimin dhe po ashtu të kemi të qartë se ligjet që ne bëjmë të mos jenë të bukura në letër por të jenë ashtu sic duhet për realitetin shqiptar dhe për këtë I kemi kërkuar ambasadorit një ekip permanent ndërkombëtar mjedisor në ministrinë e Mjedist.
Thirrja për veprim konkret është vetëm një prej 3 pikave të reformës së ndërmarrë nga Ministria e Mjedisit, ku përveç synimit të reduktimit përfundimtar të qeseve plastike, është edhe reformimi I inspektoritatit dhe sistemit lejeve mjedisore bashkë me përafrimin e legjislacionit europian.
E gjithë reforma duhet te përmbajë ne vetvete reformimin e vetes sonë, nëpërmjet reformimit të inspektoriatit dhe gjithë sistemit të lejeve mjedisore,
përafrimin e legjislacionit shqiptar sa më shumë drejt standarteve të BE dhe me e rëndësishmja aksion konkret për të pastruar Shqipërinë dhe për të goditur ata që ndosin më shumë.
