Kandidati për Prokuror të Përgjithshëm Olsian Çela ka prezantuar para KLP eksperiencën e tij.
“Vlerësoj zhvillimin e seancës me praninë e mediave, pasi kjo tregon se përbën një interes të madh qoftë për mediat ashtu edhe për opinion publik ndaj do të doja ta parashtroja para jush dhe medias pasi mendoj se është thelbësore që edhe elementet e opinionit publik të kenë të qartë vizionin e kandidatit të PP për 7 vitet e ardhshme! Prokurori i Përgjithshëm duhet të ndryshojë në një strukturë dinamike inicatore bashkëpunuese dhe ndërvepruese e aftë të prodhojë ide për partnerët vendas dhe të huaj. Hapi i parë është ristrukturimi i pjesshëm i saj dhe të fokusohet në monitorimin e shkeljeve të ndryshme etikës profesionale, sigurimin e aksesit të publikut dhe komunikim permanent me median”, tha Olsian Çela.
“Hartimi i raportit mbi gjendjen. E burimeve njerëzore, ngarkesën në punë studimin mbi efektshmërinë e hetimit, efektet sociale në shoqëri dhe parandalimin e krimit. Koston reale të hetimit. Rregulla të qarta për formimin e grupeve hetimore. Bashkëpunim edhe me prokurorinë e posaçme me qellim koordinimin dhe shkëmbimin e informacionit, por duke vepruar në mënyrë të pavarur nga njëra tjetra, por edhe me koordinimin e autoriteteve të huaja. Çdo vit mbledhje të prokurorëve si një asamble e tyre për shkëmbim idesh dhe komunikimi të problemeve mbi hetimin dhe ndjekjet penale”.
