Edi Rama është tërhequr nga vendosja e tarifës 5 euroshe për Rrugën e Kombit.
Ka deklaruar se taksa do të hyjë në fuqi pas disa muajsh.
Njëherësh është në negociata për të ulur tarifën por dhe për ta hequr për banorët ku kalon rruga.
Protesta e kuksianëve me sa duket e bëri punën e saj dhe bëri që qeveria të tërhiqet për këtë taksë.
Por ajo që mbetet është fakti se përse nuk e bëri këtë punë Rama më parë.
Marrëveshja me koncensionarin për mirëmbajtjen dhe tarifën e Rrugës së Kombit është bërë që para dy vitesh. Madje është projektuar e paraqitur për miratim nga ministri i LSI. Pse atëherë nuk u negociiua çmimi.
Me sa duket Rama e mori shumë lehtë këtë punë. Si një njeri që nuk ka haber nga shifrat ia besoi gjithçka ministrit të Financave dhe Ekonomisë Arben Ahmetaj. Por dhe Ahmetaj jo se e ka me të mësuar por me të dëgjuar ekonominë dhe financën, dhe ia shpjegoi për qejfin e vet, ia bëri fushë me lule. Dhe taksa e Rrugës së Kombit u deklarua si fakt i kryer për qytetarët.
Kjo solli probleme, protesta, djegie të qendrës së skanimit të kartave dhe dorëzimit të taksës të rrugës nga koncensionari. Një dëm prej 7 milionë eurosh sipas përllogaritjeve të para, dëm që do ta paguajë qeveria.
Ndërkohë që Edi Rama deklaroi negociimin me banorët dhe koncensionarin, u detyrua disa herë të kërkonte të falur ndaj këtyre banorëve. Me argumentin se faji i qeverisë është se nuk e kishte shpjeguar mirë. Gati sa nuk tha se ua kishte futur të gjithëve “tigri” i Financave Arben Ahmetaj.
E zgjidhi me banorët Rama thuajse gjithë situatën, por për dreq ngriti nga gjumi opozitën.
Pasi Basha dhe Monika e kishin humbur busullën dhe s’kishin çfarë bënin deri ditën e protestës së kuksianëve. Tani kanë dalë rrugëve dhe bllokojnë rrugët.
Ndërsa në PS janë vënë në kërkim të përgjegjësve të kësaj situate.
Në fillim në grupin parlamentar të PS kërkuan shpjegime nga ministri Arben Ahmetaj.
Më pas ka qënë kryetari i Komisionit të Ekonomisë, Erion Braçe ai që e ka vënë me shpatulla për muri, ministrin e Financave, Arben Ahmetaj. Që në fillim.
Teksa “tigri” po raportonte, për taksën e Rrugës së Kombit, Braçe ka kërkuar nga qeveria që banorët e zonës së Kukësit të përjashtohen nga tarifa prej 5 eurosh për të kaluar në këtë rrugë.
Po ashtu, ai ka kërkuar nga ministri, që të përjashtojë nga kjo skemë edhe transportin urban, ndërsa ka shtuar se fondi prej 130 mijë eurosh, të mos i kalojë bashkisë, por të menaxhohet nga qeveria.
Ndërsa, Ahmetaj tha se qytetarët duhet të informoheshin më mirë dhe se kontrata është negociuar me kujdes.
Ndërkohë që mos komunikimin me njerëzit e zonës së Kukësit dhe me komunitetin e sipërmarrjes, deputeti i PS, Braçe e konsideron gabimin që qeveria ka bërë në lidhje me vendosjen e taksës në rrugën e Kombit.
Braçe nuk dha emra, por tha se ka njerëz konkret që duhet të mbajnë përgjegjësi për këtë. Dhe për këtë ai kishte parasysh Arben Ahmetajn, ministrin e Financave dhe të Ekonomisë.
“U menaxhua keq nga qeveria dhe dikush duhet të mbajë përgjegjësi! Pjesa e komunikimit me njerëzit, me banorët e zonës, me banorët e qarkut të Kukësit, pjesa e komunikimit me sipërmarrjen që është edhe përdoruesi më i shpeshtë i rrugës dhe që duhet të përfitojë nga këto tarifa të reduktuara, në rastin kur është vërtet përdorues i shpeshtë, natyrisht që është gabim dhe për këtë gabim duhet të mbajnë përgjegjësi njerëz konkretë”, ka deklaruar Braçe.
Dhe Arben Ahmetaj duhet të mbajë përgjegjësi pasi nxori gafil kryeministrin Edi Rama dhe e çoi në greminë për taksën e rrugës së Kombit. Dhe nuk e ka për herë të parë.
Në zgjedhjet parlamentare të 25 qershorit të vitit 2017 kudo pati rritje në vota PS. Vetëm në Kavajë që mbulohej nga Arben Ahmetaj kishte ulje në numër votash. Madje u reduktuan votat deri në atë farë feje sa humbi për pak vota dhe bashkia e Kavajës. As atëherë Ahmetaj nuk mbajti përgjegjësi. Por këtë radhë duhet, e degjeneroi Ramën./Pamfleti.com
