Një portal periferik shkruan se Ben Blushi do të jetë Drejtori i ri i Top Cannel, televizionit më të madh në vend, i cili kohët e fundit kaloi një moment të vështirë për shkak të ndryshimit të politikës redaksionale.
Nga Top Channel u larguan emra të njohur të ekranit dhe si duket pronarja, e veja e të ndjerit Dritan Hoxha, revolucionarit të mediave vizive në Shqipëri po ndërmerr një ofensivë për ristrukturimin e Top Channel me emra të mëdhenj.
Lajmi është ende i pakonfirmuar, por ne vendosëm ta bëjmë publike duke patur parasysh të kaluarën e sukseshne mediatike të Ben Blushit ndërkohë që gazetarët tanë janë në kërkim të opinioneve nga palët.
Burime të afërta pranë Ben Blushit konfirmuan për portalin tej.al se tashmë ai ka pranuar ofertën e pronares së Top Channel Vjollca Hoxha për të drejtuar median e saj.
Zyrtarizimi i këtij vendimi pritet të bëhet në ditët në vijim.
Me këtë vendim Ben Blushi i rikthehet profesionit të tij të vjetër, të gazetarit duke hequr dorë kështu nga politika aktive.
Me ardhjen e Blushit në Top Media pritet të ketë ndryshime të mëdha në linjën editoriale por edhe në departamentet e tjera të këtij televizioni.
