Zbardhen detaje nga humbja e jetës së mjekut nga Puka, Hysni Shkjau, i cili ndërroi jetë ditën e sotme pasi ishte i prekur nga koronavirusi.
Bëhet me dije se mjeku u infektua nga infermierja e qendrës shëndetësore në Pukë, aty ku edhe punonte.
Mësohet se infermierja ishte infektuar në Tiranë në QSUT, teksa kishte ardhur për një konsultë.
Doktor Shkjau kishte 40 vite eksperiencë dhe nuk e kishte ndërprerë asnjëherë punën, ndërsa vijonte të shërbente si mjek familje në qendrën shëndetësore Qafë-Mali në Bashkinë Fushë-Arrëz të Pukës.
