Presidenti rus, Vladimir Putin përmes një postimi në rrjetet sociale shkruan se vaksina e parë në botë kundër COVID-19 do të regjistrohet në Rusi brenda pak ditësh. Ai thekson se kjo vaksinë do t’i hapë rrugë Covid -19 njësoj si sateliti rus që shkoi i pari në hapësirë.
Më tej ai shton se mjekësia ruse e ka menaxhuar më së miri pandeminë dhe se shkencëtarët rus kanë kaluar fazat e nevojshme të vaksinës. Vaksina do të jetë shpresë jo vetëm për Rusinë, por për të gjithë botën, shprehet Putin. “Vaksina e parë në botë kundër koronavirusit do të regjistrohet në Rusi brenda pak ditësh.”
Shkencëtarët rusë kaluan fazat e nevojshme të testit. Mjekësia jonë është ka bërë një punë të mirë me epideminë dhe tani i jep shpresë jo vetëm vendit tonë, por gjithë botës. Tani vaksina ruse do t ‘ i hapë rrugën të ardhmes pa COVID-19, maska dhe izolim social”, shkruan ai në rrjetin social “Facebook”. Raportohet se një nga vajzat e Vladimir Putin ka marrë pjesë në eksperimentin për vaksinën kundër koronavirusit.
“Një nga vajzat e mia ka marrë pjesë në eksperiment dhe i është injektuar një dozë. Temperatura i shkoi 38 gradë për një ditë, pastaj u kthye në normalitet”, mësohet të ketë thënë Putin.
Për momentin megjithatë, nuk ka ende asnjë konfirmim shkencor, për gjetjen e vaksinës kundër Covid, nga ana e Rusisë. Raportimet për një vaksinë ruse kanë qarkulluar prej disa javësh, por janë shoqëruar me shqetësime për sigurinë dhe efektin e saj, si dhe hamendësimeve që Rusia nuk i ka zbatuar të gjitha hapat e zhvillimit të një vaksine.
Zyrtarë rusë thanë për CNN më parë se faza e tretë e testimeve do të ndodhte pas regjistrimit të vaksinës. Rusia nuk ka publikuar asnjë të dhënë shkencore mbi testimet për vaksinën dhe kritikët thonë se këmbëngulja për prodhimin sa më të shpejtë të vaksinës vjen pas presionit politik nga Kremlini, që kërkon ta portretizojë Rusinë si një fuqi botërore mjekësore.
