Studiuesit kanë ngritur alarmin sa i takon testeve PCR, që shërbejnë për të testuar nëse je apo jo mbartës i virusit. Kjo metodë e testimit të infeksioneve, është shpikur nga kimisti i njohur, fitues i çmimit Nobel, Kary Mullis.
Sipas një studimi të “Johns Hopkins Medicine” dhe një artikulli të “Bulgarian Pathology Association”, rezulton se testet PCR, ose ndryshe tamponi, nuk janë efektive. Shkencëtarët janë shprehur se ato nuk e arrijnë qëllimin e tyre. Studiuesit e Johns Hopkins zbuluan se testimi i njerëzve për SARS-CoV-2 , siç është quajtur virusi që shkakton COVID-19, që në fillimet e infektimit, ka shanse që të rezultojë negativ në test, edhe pse personi mund të jetë mbartës i tij. Një raport mbi zbulimet u botua në numrin e 13 majit të Annals of Internal Medicine.
“Një test negativ, pavarësisht nëse një person ka simptoma apo jo, nuk garanton që ata nuk janë të infektuar nga virusi. Mënyra se si i përgjigjemi dhe interpretojmë një test negativ është shumë i rëndësishëm, sepse ne i vendosim të tjerët në rrezik kur supozojmë se testi është i përsosur. Sidoqoftë, ata të cilët janë të infektuar, pra mbartës, por që në teste rezultojnë negativë, janë potencialisht të mundshëm të përhapin virusin tek të tjerët”, thotë Lauren Kucirka, MD, Ph.D., M.Sc., në obstetrikë dhe gjinekologji.
Ajo thotë se pacientët që kanë një risk të lartë ekspozimi, duhet të trajtohen sikur të jenë të infektuar, veçanërisht nëse kanë simptoma që përputhen me COVID-19. “Kjo do të thotë të komunikosh me pacientët për mangësitë e testeve. Një nga disa mënyra për të vlerësuar praninë e infeksionit SARS-CoV-2 është një metodë e quajtur “reverse transcriptase polymerase chain reaction” ose ndryshe që i referohemi me termin RT-PCR”, sqaron Science Daily.
Ndërkohë studiuesit thonë se, përpjekjet e vazhdueshme për të përmirësuar testet dhe për të kuptuar më mirë performancën e tyre, në një sërë kontekstesh do të jenë kritike, pasi më shumë njerëz janë të infektuar me virus dhe kërkohen më shumë testime. “Sa më shpejt njerëzit të testohen me saktësi dhe të izolohen nga të tjerët, aq më mirë mund të kontrollojmë përhapjen e virusit”, shprehen studiuesit.
Testet jo efektive
Artikulli i BPA, thekson se Mullis, kimisti që shpiku metodën e testeve PCR, e konsideronte PCR si të papërshtatshëm për të zbuluar një infeksion viral. Sipas BPA, arsyeja është se përdorimi i synuar i PCR ishte dhe është akoma, për ta zbatuar atë si një teknikë prodhuese, duke qenë në gjendje të përsëris sekuencat e ADN-së miliona dhe miliarda herë, dhe jo si një mjet diagnostikues për të zbuluar viruset. “Arsyeja për këtë është se PCR është jashtëzakonisht e ndjeshme, që do të thotë se mund të zbulojë edhe pjesët më të vogla të ADN-së ose ARN – por nuk mund të përcaktojë se nga kanë ardhur këto grimca. Kjo duhet të përcaktohet më parë”, theksohet në artikull.
OBSH dhe testet
Në konferencën për media për COVID-19 më 16 Mars 2020, Drejtori i Përgjithshëm i OBSH-së Dr Tedros Adhanom Ghebreyesus tha: “Ne kemi një mesazh të thjeshtë për të gjitha vendet: testime, testime, testime”. Mesazhi u përhap nëpër tituj në të gjithë botën, për shembull nga Reuters dhe BBC. “Kjo tregon se besimi në vlefshmërinë e testeve PCR është aq i fortë sa që është i barabartë me një fe që toleron praktikisht asnjë kundërshtim”, thekson BPA. Artikulli e rrëzon OBSH dhe deklaratën e Tedros, duke theksuar se vetë Mullis nuk mendonte njësoj me OBSH-në.
