Së bashku me Alberto Zangrillo, Matteo Bassetti është një nga ata mjekë që janë përballur me koronavirusin në terren dhe për këtë arsye përpiqen të sigurojnë qytetarët për rritjen e të dhënave të infeksioneve të përditshme.
Drejtori i klinikës së sëmundjeve infektive të spitalit San Martino në Xhenova, Matteo Bassetti ka deklaruar prej kohësh se rastet e reja nuk mund të krahasohen me ato të Marsit dhe Prillit, pasi Covid ka humbur ngarkesën virale që nga atëherë.
Për të shpjeguar evolucionin e ri të epidemisë, Bassetti hartoi disa tabela: “Unë analizova të dhënat zyrtare botërore të OBSH për të parë se si rritja e infeksioneve në shtetet e ndryshme ka ndikuar në shtrimin në spital dhe vdekjet në këtë vend”.
Doli se; ” vendet që kanë përdorur kundërveprime më të ashpra kundër pandemisë (Italia, Spanja, Gjermania) dhe vendet që kanë përdorur shumë metoda më të buta (SHBA, Indi), ku virusi praktikisht ka dalë nga dora, vdekjet si përqindje përfundimisht kanë rënë ”.
Këto të dhëna bëjnë që Bassetti të formulojë dy konsiderata: “Të infektuarit e rinj janë më të mirë se të parët, ose sepse nuk sëmuren fare (nuk është rastësi që pacientët asimptomatikë rriten) ose sepse sëmundja është shumë më e menaxhueshme nga pikëpamja mjekësore. Në çdo rast, të dhënat më duken inkurajuese ”.
