Dy lojtarë shqiptarë, të dy sulmues, njëri luan me kombëtaren e Shqipërisë dhe tjetri me kombëtaren e Maqedonisë. Të dy luajnë me Levanten në kampionatin spanjoll, por golatt zakonisht i bën Enis Bardhi, kurse Armand Sadiku qëndron në stol. Bomberi elbasanas e pa fitoren e skuadrës së tij sot në Bilbao pikërisht nga stoli, teksa u desh të ngrihej në këmbë të duartrokiste Enis Bardhin që shënoi dy gola në dy minuta, duke i dhënë drejtim fitores së ekipit të Levantes. Pra të dy sulmues, të dy shqiptarë, por diferencën e bëjnë golat dhe golat kanë autor sulmuesin shqiptar nga Maqedonia.
Enis Bardhi ka qenë protagonist gjatë gjithë javës në rrjetet sociale me batutën e tij të famshme “jam nona”. Por mesfushori shqiptar që përfaqëson Maqedoninë tregoi se është i tillë edhe me goditjet e dënimit, duke ndihmuar Levanten të merrte tri pikët me suksesin e rëndësishëm 3-1 në fushën e Atletik Bilbaos.
Pas golit të Garcias për vendasit, Bardhi ktheu i vetëm fatin e ndeshjes me dy goditje dënimi perfekte brenda 3 minutash, duke çuar skuadrën e tij në avantazhin 2-1 në pushimin e ndeshjes. Goli i Morales në fundin e ndeshjes vulosi rezultatin përfundimtar 3-1 që afron Levanten e Sadikut me mbijetesën.
Vetë sulmuesi shqiptar ndoqi gjithë ndeshjen nga stoli dhe me sa duket, do të vazhdojë të mbetet një zëvendësues për klubin spanjoll në këtë sezon, të paktën derisa mbijetesa të jetë e siguruar edhe matematikisht. Për lojtarët shqiptarë mund të thuhet se Sadiku ende nuk ka gjetur rrugën e rrjetës me Levanten, kurse Enis Bardhi e tregoi veten në dy minuta në duelin e sotëm me Athletik Bilbaon. /Pamfleti Sport
