Me vendim të qeverisë mbajtja e maskave do të jetë me detyrim në ambjente të hapura dhe në ato të mbyllurat.
Të gjithë ata që nuk e zbatojnë hyn në fuqi masa e gjobës. Nëse shkelja është për herë të parë gjoba shkon në 30 mijë lekë, nëse ajo është e përsëritur shkon në 50 mijë lekë.
Policia ka vijuar edhe sot me kontrollet për maskën. Prani të policisë kishte edhe në Qendrën Spitalore Universitare “Nënë Tereza” kjo edhe për shkak të fluksit të madh të njerëzve, disa për vizita e të tjerë si vizitorë.
Ndërsa aksioni i një ditë më parë ishe më shumë në kuadrin e ndërgjegjësimit, sot nisi shënimi i gjobës në bllok, siç mund ta shikoni dhe në fotot e realizuara nga LSA.
Më të “lumturit” duket se janë ata që konsumojnë një kafe në baret përreth rrugëve.
Sakaq ndërgjegjësim për mbajtjen e maskës ka edhe në radhët e nxënësve të shkollës, pasi prej nisjes së mësimit në shtator shkollat janë kthyer në vatra infeksioni.
