Hapja ose jo e negociatave për Shqipërinë, është kthyer në një betejë politike në vend.
Pas udhëtimit të kryeministrit Edi Rama në Gjermani dhe takimit me kancelaren Angela Merkel, opozita dhe mediat e saj duket se kanë shpërthyer në entuziasëm, pasi Berlini ende nuk ka një qendrim nëse do të votojë pro Shqipërisë.
Por, ndërsa për opozitën është kthyer në një çështje jetë a vdekje bllokimi i negociatave për Shqipërinë, ata që humbasin janë pikërisht shqiptarët.
Kjo, pasi me hapjen e negociatave, qytetarët shqiptarë do të kishin disa përfitime të shpejta, duke nisur që nga hapja e tregut të punës, deri tek njohja e diplomave.
Sipas rregullave që ka përcaktuar Brukseli dhe që ndodhen në faqen zyrtare të BE-së, bëhet e ditur se nëse jepet vendimi politik, atëherë qeveria e Shqipërise dhe Komisioni Europian, nisin të negocojnë për të përshtatur anëtarësimin e Shqipërisë në BE.
Dhe dy kapitujt e parë që negociohen dhe që përditojnë shqiptarët direkt janë Lëvizja e lirë e mallrave dhe njerëzve, si dhe tregu i lirë i punës.
Deri në anëtarësimin e plotë janë plot 35 kapituj që duhet të firmosen, që nënkuptojnë ndryshim total të rrregullave dhe standardeve të Shqipërisë.
Kapitulli i parë quhet “Lëvizja e lirë e njerëzve dhe mallrave”.
Në këtë kapitull theksohet se “Parimi i lëvizjes së lirë të mallrave nënkupton që produktet duhet të tregtohen lirisht nga një pjesë e Bashkimit në një tjetër”.
Në një numër sektorësh, ky parim i përgjithshëm plotësohet nga një kuadër rregullator i harmonizuar, duke ndjekur vendosjen e specifikimeve të produktit ose rregullimin e standarteve.
Që do të thotë se çdo mall që eksportohet në BE, duhet të ketë të gjitha kërkesat që kërkon Komisioni, ku përfshihen marka, siguria etj.
Legjislacioni i harmonizuar i produkteve europiane, i cili duhet të transplantohet nga vendi që negocion, përfaqëson pjesën më të madhe të acquis sipas këtij kapitulli.
Përveç kësaj, kapacitetet administrative janë thelbësore për të bërë të mundur negocimin.
Pra çdo subjekt shqiptar që eksporton në BE duhet të plotësojë kërkesat që kërkon kjo fundit.
Këto standarte duhet t’i implementojë shteti shqiptar i cili negocion me subjektet.
Këtu futen: standardizimi, vlerësimi i konformitetit, akreditimi, metrologjia dhe mbikëqyrja e tregut.
Një tjetër fushë që është shumë e rëndësishme dhe që mund të përfitojnë shqiptarët në mënyrë afatshkurtër është tregu europian i punës.
Qeveria shqiptare do të duhet të bëjë të mundur që këtë kapitull të firmosë sa më shpejt që të favorizojë shqiptarët që kërkojnë t’i atashohen tregut europian.
Acquis Comunitaire nën këtë kapitull parashikon që shtetasit e BE-së kanë të drejtë të punojnë në një shtet tjetër anëtar.
Punëtorët emigrantë të BE-së duhet të trajtohen në të njëjtën mënyrë si punëtorët vendas në lidhje me kushtet e punës, avantazhet sociale dhe tatimore.
Ky acquis gjithashtu përfshin një mekanizëm për koordinimin e dispozitave kombëtare të sigurimeve shoqërore për personat e siguruar dhe anëtarët e tyre të familjes që lëvizin në një shtet tjetër anëtar.
Kapitulli i tretë që gjithashtu miratohet shpejt pas hapjes së negociatave flet për lënien e sovranitetit.
Shtetet anëtare duhet të sigurojnë që ligji kombëtar, në varësi të përjashtimeve të përcaktuara në Traktat, nuk pengohet nga e drejta e BE-së.
Acquis gjithashtu harmonizon rregullat në lidhje me profesionet e rregulluara për të siguruar njohjen reciproke të kualifikimeve dhe diplomave ndërmjet shteteve anëtare.
Për disa profesione të rregulluara, duhet të ndiqet një program minimal trajnimi me qëllim që kualifikimi të njihet automatikisht në një shtet anëtar të BE-së.
Këta janë përfitimet e para që mund të firmosen që në vitin e parë.
Më pas nis negocimi për 32 kapitujt e tjerë që janë më teknikë.
Pra, ata që humbasin në betejën politike për të penguar hapjen e negociatave për Shqipërinë, janë shqiptarët, jo Edi Rama, siç po përpiqet të thotë opozita dhe analistët pranë saj.
Dhe këto të favorë, mund të mos i përfitojmë në një kohë të shkurtër, edhe për shkak të lobimit të opozitës, e cila në betejën e saj kundër Ramës, në fakt po dëmton qytetarët shqiptarë.
Sa për Ramën, edhe pos u hapën negociatat, ai sërish do të jetë kryeministër.
Biles mund të jetë edhe më i qetë, nëse nuk do të ketë BE-në mbi kokë.(TemA)
