“Qeveria fshehu gjysmën e viktimave të COVID-19. Nga 923 të vdekur, MSH raportoi vetëm 509 për periudhën Mars-Tetor. I bëj thirrje Prokurorisë nga studio e Opinion që të shkojë në morg të marrë evidencat e plota, të vërtetojë që po bëhet politikë me të vdekurit”, tha Basha tek Opinioni i Fevziut, duke bërë një akt të rëndë dizinformimi dhe përhapje paniku.
Mirëpo, Edi Rama duke e njohur dhe vlersuar si një gënjeshtar ordiner, e ka marrë me sportivitet shpifjen e Lulit, duke i’u kundërpërgjigjur nga studioja e emisionit “Real Story” në News 24, ku sipas Ramës, ato çfarë Basha thotë janë shenja të panikut e konfuzionit që e ka kapur.
“Çfarë mund t’i përgjigjesh tani?! Domethënë është pjesë e asaj që thashë, panik, konfuzion, shqetësim, katastrofë. Qeveria nuk deklaron asgjë.
Numri i fataliteteve është një numër që pasqyrohet çdo ditë në bazë të kritereve që janë të lidhura me një element të thjeshtë: Të sëmurët nga Covid.
Të tjerat janë spekulime, s’kanë asnjë bazë dhe hyn në atë të përditshmen: Shpif, shpif se diçka do mbetet, kall dëshpërim tek njerëzit se diçka do ndezë, ajo që përpiqen këta të ndezë, është se duhet të kuptojnë që pse kanë humbur që nga dita e parë”, tha Rama. /Ekskluzive.al
