Burime nga Partia Socialiste konfirmuan se deputeti Edmond Rrushi, që hyri në parlament nga listat e LSI, ka qenë pjesë në mbledhjen kësaj partie, për kandidatët për deputet në qarkun e Tiranës.
Prania e tij në mbledhje, konfirmoi një vend në listën e PS së Tiranës. Ndërsa Ylli Shehu është një tjetër deputet i LSI, që do ti bashkohet PS, por konfirmimin ua la ta bëjnë drejtuesit e PS.
E para që hapi serinë e merkatos elektorale të PS, ishte Ediola Brahaj, deputete nga lista e LSI, e cila po bën një fushatë elektorale aktive në krah të Bledi Çuçit, drejtues politik në Gjirokastër.
Po ashtu mëson se PS është në negociata edhe me dy deputetë nga Grupi Parlamentar Demokrat, të cilët janë Alban Zeneli dhe Halit Valteri, të dy në zgjedhjet e vitit 2017 ishin kandidatë në listat e partisë demokratike.
Deputetët e opozitës së re do të shfaqen edhe në listat e partisë demokratike, megjithëse u anatemuan si tradhtarë prej saj se pse hynë në kuvend në vendet që la bosh PD. I konfirmuar si kandidat në listat e PD është deputeti Artur Roshi i Ballit Kombëtar.
