Pas 105 vitesh është gjetur një shënim në një letër i shkruar nga Mathilde Lefebvre, e cila së bashku me tre vëllezërit motrën dhe nënën e tyre humbën jetën, kur u përmbys anija e Titanikut.
Mesazhi brenda shishes, e gjetur në breg të një deti ka ngritur dyshimet e shkencëtarëve dhe ekspertëve të historisë, në lidhje me tragjedinë e Titanikut, shkruan Daily Mail.
Mathilde u zhduk së ??bashku me 1,500 të tjerë pasi anija goditi një ajsberg në udhëtimin e saj të parë nga Southampton në 14 Prill. Sidoqoftë, mesazhi u la në një plazh në New Brunswick në 2017 dhe iu dha Universitee du Quebec a Rimouski për studim, por vetëm tani është bërë publike.
“Unë jam duke e hedhur këtë shishe në det në mes të Atlantikut. Ne do të arrijmë në Nju Jork për disa ditë. Nëse dikush e gjen, tregojini familjes Lefebvre në Liévin.”– shkruhej në letër.
Akademikët kanë konfirmuar se letra duket të jetë në përputhje me periudhën, megjithëse ka mosmarrëveshje nëse është apo jo autentike apo një mashtrim i prodhuar në kohën e fundosjes ndërsa gazetat kërkonin me padurim të shtypnin histori nga dëshmitarët ose ‘fjalët e fundit’ nga pasagjerët.
Shënimi është bërë publik, ndërsa akademikët bëjnë thirrje për cilindo që ka informacione të specializuara mbi Titanikun dhe pasagjerët e tij të paraqitet dhe të ndihmojë në provimin ose kontestimin e vërtetësisë së tij.
