“Alba Exotic Fruit” është kompania që kishte porositur sasinë e bananeve nga Ekuadori, në konteinerin e së cilës u sërish kokainë.
Policia njofton se gjatë kontrollit të ushtruar në Portin e Durrësit, në një nga konteinerët janë sekuestruar 8 pako me kokainë, të gjetura në pjesën fundore te kapakët e motorëve frigoriferikë.
Mësohet se është arrestuar në flagrancë shtetasi B. G., (menaxheri i firmës), si dhe është shpallur në kërkim administratori i firmës Eduart Dauti. Kjo është hera e 5 që në kontejnerët e kompanisë së Eduard Dautit gjendet kokainë.
Dyshohet se ngarkesa e sekuestruar sot është rreth 10 kg, ndërsa operacioni në Portin e Durrësit vijon nën drejtimin e SPAK.
“Vijon operacioni policor i koduar “Rada”, për goditjen e veprimtarisë kriminale në fushën e trafikimit të lëndëve narkotike.
Në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritet doganore të Portit janë gjetur dhe sekuestruar lëndë narkotike kokainë në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.
Në vijim të operacionit “Rada”, ditën e sotme, nga Task Forca permanente që vepron në Portin e Durrësit, është ushtruar kontroll i imtësishëm në një nga kontenierët i ngarkuar me banane i ardhur nga Ekuadori, për llogari të kësaj firme, ku si rezultat i kontrollit të imtësishëm në pjesën fundore te kapakët e motorrëve frigoriferike, u gjetën dhe u sekuestruan 8 pako me lëndë narkotike të dyshuar kokainë.
Task Forca permanente që operon në Portin e Durrësit vijon veprimet hetimore, nën drejtimin e SPAK-ut.
Në nisje të operacionit, nga taskforca permanente që vepron në hyrje dhe në dalje të Portit të Durrësit, më datë 13.07.2021, është arrestuar në flagrancë shtetasi B. G., (menaxheri i firmës) dhe është shpallur në kërkim administratori i firmës shtetasi E. D.”, njofton policia.
Historiku i kompanisë me trafikun e kokainës
Kjo është e disata herë radhazi që në kontejneret me banane të kësaj firme gjendet lëndë narkotike kokainë.
Sasia e kapur ditën e sotme prej 10 kg është hera e 5-të nga policia, ndërsa më herët më 29 korrik kompanisë iu gjetën dhe u sekuestruan 7.25 kilogramë kokainë në vijim të operacionit “Rada”. Më 13 korrik në Portin e Durrësit u gjetën dhe u sekuestruan 11 kg e 675, ndërsa 10 ditë më vonë, më 23 korrik u gjetën 6.5 kilogramë të tjera, të cilat ishin fshehur në kontejnerët e po të njëjtës kompani.
Kompania ‘Alba Exotic Fruit’ rezulton e përmendur edhe më parë në ‘histori’ me trafik droge ku në vitin 2019, në kontejnerët e kësaj kompanie, në Pire të Greqisë u gjetën 137 kg kokainë që u zëvendësua me oriz me GPS nga autoritetet. Për kokainën e ngarkuar në kontejnerët e ‘Alba Exotic Fruit’ në 2019 u arrestuan Altin Myslihaka dhe Ardian Begaj dhe u shpall në kërkim Gentian Malindi.
