Nga Anri Bala
Dy ditë më parë, po ndiqja emisionin “Studio e Hapur” të Eni Vasilit, ku ishte i ftuar në mes të tjerëve gazetari Shpëtim Nazarko dhe metroseksuali i PD Ervin Salianji. Një sqarim për deputetin, metroseksual është kompliment për ty, pasi do të thotë se je një djal i “ngrehur”, jo tamam si në sallën e Kuvendit, kur shkruaje mesazhe me G.D, por që mbahesh shumë estetikisht dhe të pëlqen vetja.
Midis debatit të këtyre të dyve, gazetari Shpëtim Nazarko, me qëllimin e mirë për të treguar, se ngjarja është një montaturë, të cilës nuk po i “gjenden këmbët”, pasi asgjë e cituar deri më atë ditë, nuk është e provuar si e vërtetë, konstatoi se, vetëm ne gazetarët kemi të drejtë ta mbajmë të fshehtë burimin dhe jemi pjesa më e mbrojtur me ligj, si kriter themelor për lirinë e shtypit.
Por, teksa Nazarko fliste, në telefonin e metroseksualit të PD, vjen një mesazh, ku shpjegohej fare mirë intriga e radhës. Me të marrë direktivat e kasolles SHQUP, Salianji lëshoi intrigën, kësaj here, jo për të provuar vërtetësinë e “dëshmitarit X”, por për të shpëtuar veten… nga ndjekja penale.
Deputeti pasi mori direktivat, i kërkoi me ngulm fjalën moderatores së emisionit me dy duar ngritur, shkelje syri, e kafshim buze, se me demek do të thoshte diçka të rëndësishme, e kjo bëhej në një transmetim live! Pasi mori fjalën, dallkauku që mburrej se ishte votuar nga shqiptarët, edhe pse harron se është kandidat listash dhe se atë nuk e votojnë as familjarët e tij, i’u drejtua me një pyetje të çuditshme gazetarit: “Po sikur të të thoja, se audiopërgjimin e ka bërë një gazetar, do të jap dorëheqjen Xhafaj?!”
Analisti Nazarko, si njohës i mirë i fushës i’a ktheu, se gazetari nuk gëzon mbrojtie për të shpifur, që do të thotë, se asnjë profesionist i fushës nuk mund të shantazhojë me audio-përgjime të rreme shtetin, qytetarin, qyqarin… se e pret i njëjti fat, si ai i Salianjit! Metroseksualit i’u prish surrati dhe i iku ngjyra e fytyrës nga konstatimi i gazetarit, edhe pse kjo më habiti pa masë, duke e ditur se kjo lloj race nuk ka turp dhe as nuk i “ikën gjaku” për ato që thotë! Por, prishja në fytyrën e tij, ndodhi sepse i frikësohej dënimit penal.
Një sqarim për Salianjin dhe kolegët e tij SHQUP-ist: I dashur z. Metroseksual, gazetari që t’i na e prezantove si autorin e përgjimit, dua të të sqaroj, se nuk ka bërë asnjë investigim dhe materialet e paraqitura prej tij, nuk përbëjnë një investigim gazetaresk, sepse nëse do të ishin të tilla, duhet të publikohen në media, para së gjithash dhe në asnjë degë të partisë. Ndaj, Jetnxiri i juaj, nuk ka bërë asgjë më shumë, se ka treguar se ju jeni një tuf zogjsh korbi të lebetitur dhe ai lëtyra e gazetarisë!
E para, sepse dëshmija e tij dhe “dëshmitarit X”, vazhdon të ketë mospërputhje: Jetnxiri pranon publikisht, që i’a ka dhënë ai pajisjen e përgjimit Babales, ndërsa Babalja thotë në dëshminë e tij, që nuk e di kush e ka përgjuar Agronin… ndoshta ka përgjuar veten! E dyta, përgjimin, Jetnxiri nuk e ka bërë në cilësinë e gazetarit, por në cilësinë e personit fizik, ndaj si privat duhet të përgjigjet penalisht!
Në përçapjen e fundit për t’i shpëtuar burgut, opozita ka vendosur të gjithë mekanizmat në përdorim… e si “ujku” i uritur që kërkon mjergull për të humbur gjurmët, kjo lukuni po i fryn mjergullës duke na çuar tek gjurmët, që e rrezikojnë shumë më shumë, se sa kur u nisën për “gjueti”!
Të jeni të bindur, nëse autorët e kësaj maskarade, që po na bindin vetë çdo ditë për qëllimin e saj të poshtër, nuk shkojnë para drejtësisë, shumë shpejt, përpara kryeministrisë do të ngrihet “çadra” e radhës, që do i bëj gjëmën Shqipërisë!/Ekskluzive.al
