Hajdutët drejtojnë zyrat e shtetit, ndërsa drejtësia hesht edhe kur ka denoncime e kallëzime penale konkrete, siç ishte rasti i këtij drejtori “përbindësh” korrupsioni, i cili kur është drejtor i rrugëve ka firmosur 400 milionë Euro vjedhje, ndërsa në KESH ka bërë dhe tender 63 milionë lekë për mbikëqyrjen e rënies së gjetheve të pemëve pranë HEC-Fierzës
Drejtori i KESH, Ergys Verdho, po vazhdon vjedhjet me tenderët nën mburojën e Edi Ramës dhe Belinda Ballukut, i “trimëruar” dhe nga fakti, se SPAK nuk e ka prangosur për firmat që ka hedhur në 400 milionë Euro vjedhje me falsifikime preventivësh kur ishte Drejtor i Rrugëve.
Më 15 nëntor, ky drejtor ka njoftuar në Buletinin e Prokurimeve Publike, se ka bërë tenderin me vlerë kontrate 980 milionë e 100 mijë lekë, për shërbime rutinë në godinat e qendrave zjarrfikëse të HEC-ve Vau i Dejës, Fierzë e Koman.
Mos u çuditni, por kjo pagesë është dhënë për riparimin e kondicienerëve të këtyre godinave për 2 vite, që sipas llogarisë mund të blihen impiante të reja në çdo 3 muaj.
Por çudia vazhdon me tej, kur në këtë pagesë tenderi, 450 milionë lekë janë caktuar për të bërë furnizimin me ujë të makinave zjarrfikëse të 3 HEC-ve, kur dihet që uji është te HEC-et dhe nuk do mbushet në Shkodër.
Ky tender me vlerë afro 1 miliardë lekë, nuk është i vetmi rekord hajdutërie me kontrata shërbimesh fiktive, që drejtori Ergys Verdho ka sajuar gjatë 5 muajve në krye të KESH, me vlera mbi 300 milionë lekë.
Në 30 ditët e fundit, vetëm në HEC Fierzë, ka bërë tenderin 840 milionë lekë për shesh parkimi makinash të zyrtarëve; ka bërë tenderin 280 milionë lekë për blerje varke vrojtimi mbetjesh në HEC, dhe tenderin 63 milionë lekë për mbikëqyrjen e rënie së gjetheve në pemët rrotull HEC-Fierzës.
Kaq mjafton, që ky “përbindësh” vjedhjesh, nisur te Drejtoria e Rrugëve dhe prej 5 muajsh në krye të KESH, të çohet para drejtësisë.
Në të kundërt, Shqipëria do vazhdojë të jetë një vend xhungël, ku kriminelët janë në mes të qyteteve, hajdutët janë në parlament e në krye të zyrave të shtetit, ndërsa drejtësia hesht edhe kur ka denoncime e kallëzime penale konkrete./Pamfleti
