Sali Berisha, në takimin e zhvilluar me demokratët në Burrel komentoi situatën e kriminalitetit në vend.
Ish-kryeministri theksoi se gjatë periudhës së qeverisjes së PD-së, kishte një luftë të pandalshme kundër korrupsionit.
Ai gjithashtu u shpreh se sot SPAK me reformat e tij katastrofale nuk ka çuar asnjë zyrtar pas hekurave.
Më tej Berisha theksoi se Partia Demokratike do të kthehet në një parti më të fuqishme, ndërsa shtoi se në 11 dhjetor do të miratohet Kushtetuta e re të Partisë Demokratike që i jep pushtetin dhe fuqinë anëtarësi së PD.
“Unë ju garantoj ju se do të ketë zero tolerancë ndaj krimit në Shqipëri. Ju jeni dëshmitarë se si u çmontuan mbi 200 banda.
Se si u kapën nga Ankaraja në Stokholm dhe në vend e të tjera dhe erdhën përpara ligjit. Kishte korrupsion ,por kishte një luftë kundër korrupsionit. Në vitin 2009 Task Forca çoi në gjykatë 300 zyrtarë. Ndërsa SPAK i reformës katastrofale të sotme ka dërguar gjithsej në vitin 2020 me 12 prokurorë që ka 63 zyrtare asnjë zyrtar të lartë.
Ju garantoj se lufta do të bëhet 16 herë më e fortë dhe do të mjerohet ai që do të preke paratë tuaja. Unë ju garantoj se tani lufta kundër korrupsionit do të jetë më e fuqishme nga sa ka qenë më parë. PD do të kthehet në një parti të vërtetë, do të jetë ajo e vlerave, e virtyteve. 11 dhjetori shënon rikthimin tonë në forcë vigane opozitare.
Në 11 dhjetor ne miratojmë Kushtetutën e re të Partisë Demokratike që i jep pushtetin dhe fuqinë anëtarësisë së PD, votës sëtyre të lirë. Do të miratojmë Kushtetutën dhe një nen do e pagëzojmë neni Basha, nuk ka më kryetar po humbi zgjedhjet. Miratojmë Kushtetutën që vendos primare votën tuaj.
Rikthimi i pushteti tek ju është kushti kryesor. E kemi të qartë se Edi Rama kurrë nuk heq dorë nga rrëmbimi dhe plaçkitja, bëju gati na ke borxh votën , po nuk e hapë rrugën do të detyrojmë ta hapësh rrugën. Erdhe në pushtet duke bërë thirrje hapur, të gjithë llumi të shoqërisë të bashkohet kundër Berishës. Unë i bëj thirrje njerëzve idealistë atdhetarë, të bashkohemi për të shpëtuar Shqipërinë nga narkoshteti”, tha Berisha.
Gjatë bashkëbisedimit me mbështetësit e tij, ish-kryeministri iu drejtua edhe ambasadores së SHBA, ndërsa i bëri thirrje që konventat ndërkombëtare dhe rregullat e një vendi ti marrë më seriozisht.
Sali Berisha deklaroi se vendimi për ta shpallur non-grata ishte një nga vendimet më unikë sipas tij, për faktin se është marrë pa pasur asnjë proces.
“Konventat ndërkombëtare dhe rregullat e një vendi do bënte mirë ti merrte më seriozisht. Ndaj meje është marrë një vendim unik në botë. Nuk ka njëri që është shpallur non –grata pa pasur asnjë proces apo qoftë edhe pa një akuzë. Nuk ka njëri në botë që është shpallur non-grata tre javë pasi partia e tij humb zgjedhjet.
E gjitha kjo është korruptive e mafies Edi Rama-Xhorxh Soros. Ndaj dhe unë po bëj një betejë dhe këtë e mbajta vetë pa përfshirë PD. Ndërsa kjo beteja tjetër që nisa deri diku më pengoi në betejën tjetër sepse është edhe çështje kohë.
Vendosa të informoj të gjithë miqtë e mi në botë për abuzim ligji që është bërë ndaj meje. Nuk kam kërkuar ndihmë nga askush përveç gjykatës. Por kohërat ndryshojnë. Disa vende të Europës kanë qëndrim tjetër ndaj atij vendimit. Ka nga ata që nuk e besojnë deklaratën, prova kemi por nuk themi”, ka thënë Berisha.
