Debate të forta ka patur mes anëtarit të Këshillit Kombëtar të PD-së, Vehap Kola dhe anëtares së Komisionit të Rithemelimit të PD, Evi Kokalari, në studion e emisionit “Të Paekspozuarit” në MCN TV.
Pjesë nga debati:
Vehap Kola: Kush je ti?
Evi Kokalari: Unë jam Evi Kokalari. Kam më shumë autoritet se ty se jam mandatuar nga delegatët. Ti nuk duhet të jesh në selinë e PD, s’të ka votuar njeri. Merre mbrapsht, jemi njerëz paqësor fare. Ndryshe nga ju dhe gratë që nxorrët dje në luftë…
Vehap Kola: Foltorja është në krizë totale.
Evi Kokalari: Foltorja në krizë? (qesh)
Vehap Kola: Filloi veprimi me nerv, për të dëshmuar forcë.
Oerd Bylykbashi: Fol se kur flet ti na lehtëson punën. Meqë je anëtar i PD. Respekti është shumë i rëndësishëm në një studio.
Vehap Kola: Nuk kam nevojë për këshilla. Nuk po ju ndërhyj. E paguaj vet çmimin tim. Kjo që po bën ti nuk është respekt!
Oerd Bylykbashi: Unë ja kam besuar veten time, atë që kanë parë shqiptaret në 11 dhjetor.
Vehap Kola: Njerëzit e kuptuan se mega Foltorja atje me demokratët nuk ndryshon asgjë. Ka një krizë organizative. Nga njëra anë zoti Berisha, është i vetmi që mund t’i mbledhe ata dhe ata kanë zotin Berisha pengesë, sepse duan udhëheqjen e PD. Zoti Berisha, është aty për të mbajtur për vete PD-në. Është krizë shumë e madhe.
Evi Kokalari: Disa minuta më parë, the që këta të Berishës, që në 12 dhjetor do ta hedhim në Lanë. Dje, jam sulmuar, jam shtyrë, nga dy gra në selinë e PD, kur Basha ishte brenda. Asnjë nga ju nuk doli ta ndalojë. Sapo thatë që kemi thënë, në 11 dhjetor do hedhim Bashën në Lanë.
Vehap Kola: Ju keni hyrë pa të drejtë në PD. Keni hyrë të hapni dyer. Nuk je anëtare.
Evi Kokalari: E zëmë se unë nuk kam lidhje me PD, por kam shkuar atje. Individë të grupit tuaj më kanë shtyrë. Zotëri, ajo ishte dhunë. Çfarë do të thuash për atë dhunë?
Vehap Kola: Ju jeni një nga njerëzit që keni komunikuar në mënyrë më të dhunshme. Keni bërë thirrje që zonja Grida Duma të hidhet në Lanë.
Evi Kokalari: Jo unë se kam thënë atë, sepse nuk e qelbim Lanën aq shumë sa të fusim Grida Dumën aty. Nuk e qelbim dot Lanën ashtu!
