Kompania “Gjirofarma” me administrator dhe aksioner Piro Karanxha, është subjekti identifikuar dhe më pas i fshehur nga Autoriteti Kombëtar i Ushqimit, për hedhjen në treg të kosit me fekale. Personat e tjerë bashkëpronarë të kompanisë kriminale janë Antonios Ouzas dhe Nikolla Gjoni.
Nëse kompanitë e tjera e përziejnë qumështin, kosin, djathin dhe produktet e tjera me niseshte, qumësht pluhur, vaj palme etj., “Gjirofarma” e përzien kosin me fekale.
Krimi duket i paimagjinueshëm dhe i përbindshëm, por fekalet janë konstatuar nga vetë AKU, e cila ka heshtur për ditë me radhë, duke mos informuar konsumatorin që të mos i konsumojë më produktet e “Gjirofarma”
Me gjithë përpjeket e mëdha të mediave për transparencë dhe për të shpëtuar shëndetin e qytetarëve, AKU ka refuzuar të tregojë kompaninë, por pretendon se ka tërhequr kosin me fekale nga tregu.
“Subjekti është urdhëruar të tërheqë nga tregu produktet e rezultuara pozitive. Është kryer bllokimi i linjës së prodhimit të produktit kos dhe salcë kosi, si dhe u vendos bllokimi i sasisë së produktit të gjetur prej të cilin u morën mostra për analizim”, ka njoftuar AKU.
Ne kemi zbuluar se kompania që shet kos me fekale, sipas vetë analizave të AKU, është Gjirofarma. Qytetarët t’i bëjnë vetē llogaritë dhe të kujdesen për shëndetin e tyre dhe të familjarëve.
Në faqen zyrtare Gjirofarma thotë se “Produktet tona prodhohen nga qumështi tepër cilësor i bagëtive që kullosin në rajonin e Gjirokastrës. Ne i kemi qëndruar besnikë traditës qindravjeçare të anëve tona, duke sjell novacion në pastërti dhe siguri. Tanimë jemi kompania më e madhe për prodhimin e produkteve të bulmetit në Shqipëri. Kujdesi, standardet profesionale, i gjithë përkushtimi ynë ka bërë që Gjirofarm të certifikohet…”.
