Një zjarr në termocentralin më të madh bërthamor të Ukrainës ka vazhduar të digjet pas sulmit nga trupat ruse, megjithëse një zëdhënës i centralit thotë se nivelet e rrezatimit në sfond janë normale dhe luftimet kanë pushuar përkohësisht.
CNN shkruan se termocentrali bërthamor Zaporizhzhia në Ukrainën juglindore nuk kishte pësuar ndonjë dëmtim kritik në sulm, duke shtuar se kur zjarrfikësit mbërritën fillimisht ata u bllokuan nga trupat ruse.
Agjencia Ndërkombëtare e Energjisë Atomike (IAEA) tha se rregullatori i Ukrainës i kishte thënë organizatës se nuk kishte pasur ndryshime në nivelet e raportuara të rrezatimit dhe se zjarri nuk kishte prekur pajisjet “thelbësore”. Shtëpia e Bardhë tha se po monitoronte situatën. Vëmendja është përqendruar në sigurinë e objekteve të energjisë bërthamore të Ukrainës ndërsa pushtimi rus i vendit intensifikohet.
Perspektiva që zjarri të shkaktojë dëme në centralin bërthamor ka alarmuar ekspertët, megjithëse ata paralajmëruan se ishte shumë herët për të vlerësuar ndikimin e plotë. Ndërkohë që pamjet e mëposhtme janë nga sulmi në tentralin bërthamor.
Mëngjesin e sotëm, Inspektorati Shtetëror Rregullator Bërthamor i Ukrainës tha: “Vendi i NPP Zaporizhzhia është kapur nga forcat ushtarake të Federatës Ruse”.
Ai tha se punonjësit po vazhdonin të punonin në vend dhe shtoi se asnjë ndryshim në gjendjen e rrezatimit nuk ishte regjistruar deri më tani.
Por ai paralajmëroi se humbja e karburantit bërthamor ftohës do të çojë në “emetime të rëndësishme radioaktive në mjedis” dhe se kjo shkallë e ngjarjes “mund të tejkalojë të gjitha aksidentet e mëparshme të centraleve bërthamore, duke përfshirë Çernobilin dhe Fukushima-Daichi”.
Ai shtoi se dëmtimi i një rezervuari të karburantit bërthamor të përpunuar si rezultat i granatimeve do të çojë në çlirimin e rrezatimit.Vetëm një nga gjashtë reaktorët bërthamorë të uzinës ishte duke punuar, ndërsa pesë të tjerët ose ishin shkëputur ose duke u ftohur.
Stafi në vendin 350 milje në jug të kryeqytetit Kiev po punon për të inspektuar dëmet dhe për të mbajtur vendin të sigurt.
