Shërbimet Sekrete të NATO dhe Shteteve të Bashkuara të Amerikës kanë ngritur alarmin, ndërsa janë shfaqur tejet të frikësuara për shtrirjen e tentakulave të Moskës në Shqipëri dhe Ballkan, kryesisht në fushën e medias. Gjatë viteve të fundit ka pasur tentativa të Moskës për të kapur media dhe politikën në Shqipëri dhe Ballkan, me qëllim që t’i përdorë ata për interesat e saj dhe madje për të shpërndarë propagandën rusë në vendin tonë.
Por gazeta ka mësuar se kjo tendencë në rritje e Rusisë për të penetruar në vendin tonë, përmes skemave të ndryshme, ka bërë që shërbimet sekrete të SHBA dhe NATO të vihen në lëvizje. Mësohet se këto agjenci kanë kërkura nga organet ligjzbatuese dhe institucionet shqiptare që të kalojnë në sitë të gjitha fondet që alokohen për media të ndryshme në Shqipëri, kryesisht portale.
Janë pikërisht këto të fundit dhe madje tek tu ndonjë media e madhe, që thuhet se Moska po i përdor për të shpërndarë propagandën e saj në vendin tonë dhe për të rritur sa më shumë të mundet frymën antiamerikane në Shqipëri.
Mësohet se së për këto lëvizje fluide të Rusisë, Shërbimet Sekrete të NATO dhe Shteteve të Bashkuara të Amerikës kanë dijeni të plotë dhe nisur nga kjo tendencë, po kërkohet më shumë vigjilencë nga pala shqiptare dhe një bashkonim mesa autoritete , në mënyrë që të parandalohet dhe hidhen në “erë” planet e Moskës, për të kapur mediat, biznesmenët, politikanët apo individë të caktuar në Shqipëri.
Rama afrohet me rusët, Meta-Berisha propagandë antiamerikane
Por shtrija e tentakulave rusë në mediat shqiptare, me qëllim shpërndarjen e propagandës së Kremlinit, nuk është rasti i izoluar, pasi sot që flasim ka në Shqipëri edhe politikanët të rangut të lartë, të cilët luajnë lojën e Moskës. Dy prej tyre janë ish-kryeministri Sali Berisha dhe presidenti Ilir Meta, të cilët i kanë shpallur luftë Shteteve të Bashkuara të Amerikës, duke sulmuar fort diplomatët e saj dhe politikat e Uashingtonit, sidomos në qendër të kësaj ofensive është vënë ambasadorja e SHBA në Tiranë, Yuri Kim.
Si Berisha dhe Ilir Meta, e kanë sulmuar dhe akuzuar edhe publikisht ambasadoren Kim, ndërkohë që paralelisht ata po mbjellin dhe po mundohen me mish edhe me shpirt që të mbjellin një frymë antiamerikane në vendin tonë. Po ashtu, në të njëjtën linjë me dyshen Meta-Berisha është edhe “Foltorja”, individë dhe politikanë të së cilës shfrytëzojnë mediat dhe rrjetet sociale për të sulmuar amerikanët.
Pra kemi një koordinim mes Moskës dhe “Foltores”, pasi teksa Moska përpiqet të kapë mediat, foltoristët shpërndajnë propagandën dhe sulmojnë në Uashingtonit. Nga ana tjetër, duket se në të njëjtën linjë me “Foltoren” është rreshtuar edhe kryeministri Edi Rama, i cili kohët e fundit ka kritikuar dhe sulmuar ambasadoren Yuri Kim, ndërkohë që është afruar edhe me politikanë dhe zyrtarë që kanë simpati për Moskën, sikundër është presidenti serb, Aleksandër Vuçiç dhe presidenti i Hungarisë, për të cilët shefi i qeverisë shqiptare thotë se i ka miq.
Në Tiranë ka media anti- NATO
Në një analizë mediave në Ballkanin Perëndimor ka rezultuar se edhe në Shqipëri ka media që përhapin lajme të pavërteta anti-NATO. Një gjë e tillë thuhet në një raport të publikuar nga organizata Konrad Adenauer Stiftung. Raporti është realizuar nga ekspertë të huaj pak kohë më parë, ndërsa thuhet se analizimi bazohet edhe në Qendrën e Komunikimit Strategjik të NATO-s (NATO StratCom COE).
Në raport janë përmendur disa media që sipas ekspertëve të huaj kanë shpërndarë lajme tendencioze ose të pavërteta në lidhje me NATO-n. Këto media sipas raportit e tregojnë NATO si mjeti që përdor SHBA në luftë kundër botës myslimane apo si mjet gjeopolitik i interesave të SHBA në rajon. Në raport janë përmendur edhe lajmet për hapjen e bazës ajrore në Kuçovë ku disa media kanë shkruar shkrime të referuara nga mediat ruse.
Freedom House: Ka media në Shqipëri që marrin fonde nga Rusia
Freedom House, ka publikuar raportin vjetor, për vitin 2021, e kur flet për Shqipërinë, te pjesa për lirinë e medias, thekson mediat në këtë vend, marrin fonde edhe nga vende të cilat llogariten si autoritare dhe armiqësore me vlerat perëndimore. Sipas këtij raporti, në Shqipëri operojnë rreth 45 televizione dhe 800 media online. Një pjesë e këtyre mediave sipas raportit të Freedom House, marrin fonde edhe nga Rusia, Serbia, Kina e Irani.
“Viti 2021 ishte sfidues për gazetarët për shkak të kërcënimeve, ngacmimeve dhe kushteve të tmerrshme të punës. Sipas Unionit të Gazetarëve Shqiptarë (UAJ), ka rreth 45 TV dhe 800 media online që operojnë në mbarë vendin dhe marrin fonde nga jashtë, duke përfshirë mbështetjen financiare nga Rusia, Irani, Kina, Serbia, Bullgaria, Greqia dhe Italia- ose nga krimi i organizuar, veçanërisht mediat online”, thuhet ndër të tjera në këtë raport.
