Roma “dehet” nga suksesi në Conference League. Pas festës në Trigoria, lojtarët, Mourinho stafi i tij por dhe presidenti Friedkin hipën në tre autobusë të hapur, për të festuar me pjesën tjetër të tifozëve në rrugët e kryeqytetit.
Ishin jo pak por 100 mijë tifozë të pranishëm. Nikolo Zaniolo dhe Jose Mourinho ishin dy nga protagonistët kryesor.
Pasi realizoi golin në “Air Albania”, Zaniolo është parë i papërmbajtshëm, fillimisht grisi bluzën ndërsa më pas gjatë gjithë kohës ishte duke pirë diçka. Edhe Mourinho ishte shumë aktiv, gjatë gjithë kohës duke buzëqeshur, duke përshëndetur tifozët, madje edhe duke kërcyer e kënduar së bashku me ultrasit.
I prekur u shfaq edhe presidenti i Romës, mbase nuk e kishte menduar kurrë që të shihte një reagim të tillë, kaq shumë tifozë pas një suksesi në Evropë. Pikërisht tifozët gjatë gjithë kohës i kërkonin atij të sillte Dybala në Romë.
💛❤️ Mamma mia che bello 🏆#ASRoma pic.twitter.com/sr9cMVoBgg
— AS Roma (@OfficialASRoma) May 26, 2022
💛❤️
A man and his people. #ASRoma pic.twitter.com/AWzAOKGjQG
— AS Roma English (@ASRomaEN) May 26, 2022
