Sali Berisha i ka ftuar qytetarët në protestën e datës 7 korrik të mblidhen kundër nismës Ballkani i Hapur, që e quan “Ballkani i Putinit”.
“Sot kemi një njeri që s’ka më interesa shqiptare e kombëtare por ka si interesa të tij ato të Vucic. S’kam asgjë për zhvillimin e marrëdhënieve normale, por s’pranoj aleancë bilaterale apo trilaterale në rajon se janë të rrezikshme e koha e provon këtë.
Ndaj le ti japim në 7 korrik përgjigjen më të merituar Ballkanit të Hapur apo Ballkanit të Putinit, të dëshmojnë ne bashkarisht besnikërinë tonë ndaj orientimit perëndimor, të dëshmojmë se për shqiptarët anëtarësimi në BE është ëndrra më e bukur, e ardhmja më e shkëlqyer për ta”, tha Berisha.
Sali Berisha: Shqipëria ndodhet në një moment jashtëzakonisht të veçantë. Çdo ditë dhe evoluim i situatës fakton se Tirana është shndërruar në Beogradin e vogël.
Rama fliste për martesë, “ne jemi gati por nusja s’po na vjen”, një i përdalë në rrafshin diplomatik e politik. E kishte shprehje të preferuar deri sa ia prenë, ‘këtu nuk është punë martese por punë kriteresh’.
Në fakt ai i martuar në kuptimin që ka qejf ai është me Aleksandër Vucicin, por duhet të dini që në vendet e Ballkanit, pavarësisht nga besimet fetare, disa rite islamiste janë praktikuar nga individë të caktuar, kështu që Vucici s’e ka për gjë të ketë dy- tre si puna e Edi Ramës në kuptimin politik gjithnjë, jo në kuptim tjetër se nuk mund të mos them, nuk mund të mos marr hua dicka prej tij.
Këto qëndrime të pashembullta janë një apel për gjithë shqiptarët të marrim në dorë fatin tonë e mos vendos Beogradi për ne.
Sot kemi një njeri që s’ka më interesa shqiptare e kombëtare por ka si interesa të tij ato të Vucic. S’kam asgjë për zhvillimin e marrëdhënieve normale, por s’pranoj aleancë bilaterale apo trilaterale në rajon se janë të rrezikshme e koha e provon këtë.
Ndaj le ti japim në 7 korrik përgjigjen më të merituar Ballkanit të Hapur apo Ballkanit të Putinit, të dëshmojnë ne bashkarisht besnikërinë tonë ndaj orientimit perëndimor, të dëshmojmë se për shqiptarët anëtarësimi në BE është ëndrra më e bukur, e ardhmja më e shkëlqyer për ta.
