Nuk është më sekret që para se të hidhej në krahët e Ervin Salianjit, Grida Duma ka qenë e dashura kryesore e Artan Santos. Madje Santo e prezantonte Gridën edhe në rrethin tij miqësor.
Falë tij dhe Henri Çilit, Grida u suportua në politikë, duke u ngjitur me shpejtësi në rang zëvëndësministërje e Integrimit në qeverinë Berisha, ku eklipsoi edhe ministren Majlinda Bregun.
Ishte koha kur Grida nisi ta mbante burrin e saj, Ilir Shqina, vetëm për dekor, deri kur u ndanë edhe me letra, pas publikimit në media të mesazheve erotike me Ervin Salianjin, me epitete të rënduara për njëri-tjetrin.
Telefonata e fundit e Artan Santos para se të viritej, sipas burimeve të prokurorisë, kishte qënë me Grida Dumën.
Pas vrasjes, natyrshëm Grida Duma u trondit. Asaj iu shemb një bazë e fortë financiare, suportimi dhe lidhjesh të fuqishme.
Ajo ishte e frikësuar. Guma vuri në lëvizje menjëherë Henri Çilin, për të zhvilluar një takim me Edi Ramën. Çili, emri i parë i të cilit është Naim, kishte disa muaj që e kishte kthyer pllakën, duke braktisur Berishën, ndërsa i lëpihej Ramës. Madje, Çili, me ish gazetën e tij MAPO, e kishte shpallur Ramën njeriun e vitit.
Nga ana tjetër, Çili ishte mentori i Grida Dumës.
Pavarësisht ndërhyrjes së Naimit, Edi Rama nuk e priti Grida Dumën, por i nxori në takim Niko Peleshin, i cili mbante në atë kohë postin e zëvëndëskryeministrit. Ky i fundit e orientoi drejt Saimir Tahirit, i cili mbante postin e ministrit të Brendshëm.
Kështu Grida Duma shkoi në zyrën e Saimir Tahirit, me një gjendje të rënduar emocionale. Duma qëndroi 3 orë në zyrën e Tahirit. Ishte pasditëja e 26 qershorit 2014.
Dy vite më vonë, Saimir Tahiri ishte në shenjestër të sulmeve të PD për lidhje me bandën e Habilajve. Tahiri u shfaq në emisionin Opinion për të sqaruar akuzat.
Grida Duma ndërhyri në emision përmes një lidhje telefonike, duke akuzuar Tahirin.
Në përgjigjen e tij, Tahiri i dha Grida Dumës një mesazh të koduar, duke i mbyllur gojën.
Mesazhi i Tahirit ishte: ‘Grida e di se sa mirë e kam bërë punën unë’. Kaq mjaftoi që Grida Duma të mbyllte gojën.
Ishte koha kur Grida Duma ishte afruar shumë me Sali Berishën. Ajo qëndronte me orë të tëra në zyrën e Berishës, ku i lexonin poezi njëri-tjetrit.
Nga ana tjetër, Edi Rama ironizonte Gridën në Parlament, me epitetin e famshëm ‘Gridërimi’, duke iu referuar hapësirës që i jepej në emisionet televizive etj.
Në këtë kohë, Grida nisi të futej edhe në rrethin e të besuarve të Lulzim Bashës. Ky i fundit qëndroi deri vonë mes Gridës dhe Jorida Tabakut, por në fund zgjodhi të promovonte në postet më të larta të PD-së, Joridën.
Grida vijonte të mbante burrij Ilir Shqina me letra, ndërsa nuk kishte dalë ende në skenë historia me Ervin Salianjin. Zonja Duma nisi ndërkohë të distancohej nga Henri Çili, pasi influencat e tij nisën të zbeheshin.
Sot Grida Duma, me Salianjin në krah, po kërkon një varkë ku të kapet. Ka humbur besimin e Berishës. Naim Çili dhe Basha kanë rënë. Nuk është në asnjë llogari për të kandiduar në listat e 2023 dhe 2025. Për më tepër, ka humbur thellë të gjitha betejat elektorale.
