Oligarkët dhe grupet kriminale vijojnë të kenë njerëzit e tyre në sistemin e drejtësisë, pavarësisht veprimit të ligjit të Vetingut, i cili ka ‘kositur’ një pjesë të tyre.
Procesi i Vetingut ka zbuluar me raste konkrete se si biznesmenë të korruptiuar dhe kapo droge paguanin gjyqtarë dhe prokurorë, u dhuronin makina, para, pasuri të palujtshme, i shëtisnin nëpër evropë, u paguanin pushimet etj.
Arsyeja sepse oligarkët vjedhin sistematikisht paratë publike, shkatërrojnë pasuritë publike dhe zonat e mbrojtura, falsifikojnë dokumente dhe mashtrojnë me zbatimin e kontratave, korruptojnë zyrtarë publikë dhe pastrojnë para, pa u ndëshkuar, ka të bëjë pikërisht me prokurorët dhe gjyqtarët që kanë rekrutuar në sistemin e drejtësisë.
Shembulli më tipik është ai oligarkut Pëllumb Salillari, një ish faturino autobusi nga Berati, i lakuar për përdhunim dhe krime kundër jetës, sot një nga grabiqarët më të mëdhenj të parave dhe pasurive publike.
Salillari ka rekrutuar në shërbim të tij një numër prej 20 gjyqtarësh dhe prokurorësh në Berat, Sarandë, Vlorë, Durrës, Fier dhe sidomos në Tiranë, duke dhënë pagë bazë mujore me vlerë sipas rasteve dhe rëndësisë nga 2 deri në 10 mijë euro në muaj.
Kur një dosje krimi dhe korrupsionit shkon në një prokurori për Salillarin, ky i fundit nuk ka nevojë të pagaujë ekstra prokurorin dhe gjyqtarin për të mbyllur dosjen, pasi e ka paguar prej kohësh me pagë mujore bazë.
Përfaqësuesit e drejtësisë e dinë detyrën: Deformojnë hetimin, e zvarrisin dhe në fund pushojnë çështjen.
Rasti më flagrant është afera korruptive e ndërtimit të paligjshëm të ujësjellësit mbi kanionin e lumit Sinec të Lumasit, që është një Zonë e Mbrojtur.
Faktet e korrupsionit të Salillarit me kryebashkiakun e Kuçovës Kreshnik Hajdarin janë flagrante dhe ulëritëse.
Së pari, tenderin mbi 4 milionë euro e ka marrë me paracaktim Salillari, duke kontraktuar për punimet kompaninë me 3 punëtorë ‘FLED’.
Së dyti, ujësjellësi është i panevojshëm, pasi banorët e fshatrave kanë 7 ujësjellësa.
Së treti tenderi është qokë për Salillarin.
Së katërti, zona është e mbrojtur me ligj dhe nuk lejohet asnjë ndërhyrje.
Së pesti, SPAK ka konstatuar krimin kundër mjedisit nga Salillari, por dosja shkon sa në një prokurori në një tjetër, pasi asnjë prokuror nuk ka prapanicë për të zbatuar ligjin që çojë oligarkun në gjyq.
Dosja Sineci është një nga aferat e Salillarit, i cili ka 25 vite i përfshirë në korrupsion me tendera, mashtrim, pastrim parash dhe krime mjedisore, pa u ndëshkuar nga drejtësia.
Arsyeja e mosndëshkimit janë pagesat për prokurorët dhe gjyqtarët, të cilët shkojnë e raportojnë para Salillarit, sikur të raportonin para KLP dhe KLGJ.
Në vijim emrat e prokurorëve dhe gjyqtarëve të rekrutuar nga Salillari.
