Prapaskena mëson se Prokuroria e Elbasanit do të kërkojë në gjykatë dënimin me burgim të përjetshëm të Arbër Papalekajt, i cili vrau Pjerin Xhuvanin në Elbasan, tre ditë para zgjedhjeve parlamentare të 25 prillit 2021.
Prokuroria nuk ka parë asnjë rrethanë që mund të lehtësojë pozitat e Paplekajt në ngjarjen e rëndë në Elbasan, e cila i kthye në bumerang edhe vetë PD-së.
Arbër Paplekaj ishte pjesë e një grupi të armatosur të Partisë Demokratike në Elbasan, gjoja për mbrojtjen e votës. Gazmend Bardhi ishte drejtues i shtabit elektoral në Elbasan, duke mbledhur rreth vetes mercenarë të armatosur.
Policia identifikoi Arjan Hoxhën si përgjegjës i sigurisë për shtabin elektoral të Partia Demokratike për Qarkun Elbasan.
Hoxha ishte i besuar i Gaz Bardhit, ndërsa Arbër Paplekaj ishte i besuar i Hoxhës. Hoxha ka qenë kreu i sektorit të Krimit Ekonomik në Policinë e Shtetit në kohën e qeverisë Berisha. Kur Gazmend Bardhi u bë ministër Drejtësie disa muaj në 2017, emëroi Arjan Hoxhën si Drejtor të Përgjithshëm i Burgjeve.
Nëse PD merrte pushtetin në prill 2021, Bardhi pretendonte të bëhej Ministër i Brendshëm, ndërsa flitej se kishte në plan të emëronte Arjan Hoxhën drejtor të përgjithshëm policie. Nga ana tjetër Paplekaj do të shpërblehej me ndonjë post.
Të gjitha këto plane u përmbysën me votë, ndërsa grupi i armatosur i Bardhit dhe Hoxhës u dënua nga SHBA-BE.
Arjan Hoxha u arrestua bashkë dhe me disa persona të tjerë, të gjithë pjesë e grupit të armatosur, i quajtur Struktura për Mbrojtjen e Votës. Por, në qeli mbeti vetëm Arbër Paplekaj.
Paplekaj: Vrava se më shtynë
Kur është marrë në pyetje nga prokurorët për krimin, Paplekaj ka pohuar se Xhuvani e ka mbajtur për duarsh, e ka shtyrë, se ndihej i kërcënuar dhe në rrezik për jetën, se ishte i tronditur etj. Ish efektivi i RENEA-s ka theksua se ai është goditur dhe shtyrë me duar para se të qëllonte.
Si provë, Paplekaj ka paraqitur një gërvishtje qesharake në gisht. Megjithatë, është urdhëruar një ekspertizë për gishtin, ku në përfundim nuk është konsideruar si plagë, aq më tepër si rrethanë për të dalë në përfundimin se Paplekaj ka qëlluar në kushtet e vetëmbrojtjes.
Paplekaj lëkundet
Arbër Paplekaj i ka qëndruar këtij versioni për disa muaj me radhë, pasi po mbahej me gajret nga faktorë të jashtëm se do t’ja hidhte drejtësisë, se do të ndryshonin konjukturat, se do të kishte hapësira, favore etj.
Të gjitha këto premtime kanë avulluar dhe Papëlekaj është para burgimit për jetë, duke fundosur veten dhe familjen e tij, për interesa elektorale dhe politike të Gaz Bardhit, Arjan Hoxhës etj.
Javët e fundit, para se të dalë para gjykatës, Papalekaj ka nisur të lëkundet dhe të flasë në mjediset e burgut për Gaz Bardhin dhe Arjan Hoxhën, si dy njerëzit që e morën në qafë. Ai ka punuar se Gaz Bardhi dhe Arjan Hoxha e morën në qafë, ndërsa tashmë e kanë lënë në baltë.
Prapaskena mëson se në procesin e gjykimit priten surpriza, pasi Paplekaj do të shprehet, duke treguar të vërtetën.
Arjan Hoxha kandidat për kryebashkiak i Kamzës?
Më i fituari nga krimi në Elbasan duket se po del Arjan Hoxha. Gaz Bardhit iu shua ëndrra për ministër i Brendshëm, ndërsa ka pak shanse që të zgjidhet më deputet në 2025. Arjan Hoxha nisi të distancohet gradualisht nga Gaz Bardhi dhe Basha, duke u afruar me Berishën.
Befas Hoxha u pa ulur një rresht mbi Berishën në Kuvendin Kombëtar paralel të dhjetorit 2021, mbajtur në stadium. Në prill të vitit 2022, Arjan Hoxha u zgjodh kryetar i PD-së së Kamzës, duke spostuar Xhelal Mziun, i cili u bashkua me Bashën, edhe pse u pendua më pas kur pa se Berisha po merrte partinë.
Tashmë Arjan Hoxha përflitet si kandidat potencial i Partisë Demokratike për Bashkinë e Kamzës në zgjedhjet e vitit që vjen. E vetmja pengesë për momentin për Hoxhën është roli i tij grupin e armatosur të Bardhit në Elbasan. Edhe vetë Berisha duket në pozitë të vështirë. Berisha ka nisur të mbrojë Paplekajn si viktimë në këtë ngjarje, duke sulmuar Bardhin, por ndërkohë hesht për Ajran Hoxhën që ishte në shërbim të Bardhit.
