Ngjarja me spiunët rusë po shndërrohet në komedi në këto ditë pa lajme, ku thatësira informative kishte shndërruar në protagonistë mediatikë dyshen Meta-Berisha.
Përhapja e rrufeshme e një lajmi me spiunë rusë u shndërrua në një mish-mash informacionesh, ku nuk mungoi fantazia e shfrenuar e gazetarëve të top mediave, të cilët e harlisën fantazinë me alucinacione të çmendurish.
Dikush tha se në Gramsh prodhoheshin fishekë amerikanë. Lajm që e ilustroi me video të marra nga ëebi, të cilat nuk konfirmonin asgjë nga lajmi i këtij gazetari nga më vanitozët e mediave shqiptare. Dikush tjetër hodhi idenë e 5 ton lënde shpërthyese, ndërkohë që kjo sasi është aq qesharake, sa vetëm në bazat e grupeve kriminale shqiptare, mund të gjesh shumë herë më tepër.
Kronikat shpërthyese me lajme sa kontradiktore ka pasur gjithë ditën, por askush nuk është në gjendje të saktësojë informacionin për të qenë sa më realë para publikut. Nuk mjaftoi kjo, por mbasditen e sotme dolën edhe çekët që kanë fotografuar dyert e Poliçanit. Larmi spiunësh në një ditë të vetme.
Asnjë lajm i autentifikuar dhe gjithçka po shndërrohet në formën e një shashke me zhurmë të fuqishme mediatike. Që të vinin rusët deri në Shqipëri për të parë një hekurishte të lënë nën mëshirën e disa rojeve të lodhur përbën një lajm sensacional vetëm në marrëzitë e këtij lëmi mediatik. Pa i hyrë historive me spiunët, për të cilët janë organet kopetente që do zbardhin nivelin e misionit sabotiv apo informativ të spiunëe rusë.
Një fakt është që blici i shpërndarjes së lajmit ishte fenomenal dhe i paparë ndonjëherë. Spiunët rusë u futën në lupën e mediave ndërkombëtare, të cilët në profesionalizmin e tyre i bënë një pasqyrim kronologjik. Askush nuk fantazoi dhe u bënë përcjellë të lajmit brenda standardeve profesionale të një gazetarie serioze.
Në fakt, veprimet e ktij nukli personazhesh, dy rusë dhe një ukrainas, duket se janë lëvizje amatoreske sesa lëvizje spiunësh profesionistë. Gjithçka është nën mister dhe mundet të ngelet enigmatike pa u sqaruar asnjëherë. Futja e rusëve në një territor ushtarak është një veprim që nuk ka nevojë të bëhet me elementë që vijnë nga jashtë, kur në Shqipëri rusët kanë rekrutuar spiunë pafund nga rangjet më të ulëta deri te figura presidentësh. P
ër më shumë në një territor armik siç është Shqipëria të futesh dhe të bësh luftë me sprite është shumë qesharake dhe e pabesueshme për tu marrë në konsideratë. Për më shumë e shndërron në butafori gjithë retorikën e përdorur sot nga infot mediatike, kur rojet e këtij objekti të “rëndësisë së veçantë” që prodhon fishekë amerikanë dhe mban brenda 5 ton eksploziv, u gjendën në spital nga dy spërkatje me sprite.
Sot kaluam një ditë me spiunë rusë dhe çekë, ku rolin e idiotit e kanë marrë përsipër ta bëjnë gazetarët amatorë që u shndërruan në 007 e lajmit.
