Lajmi, se “Komisioni i Posaçëm i Apelimit”, e ka cilësuar të drejtë kërkesën nga ana e avokatit të Adriatik Llallës, për të mos hyrë në procesin e Vettingut dhe vendimi për ndërprerjen e procesit kundrejt ish-kryeprokurorit, ka sjellë jo pak pakënaqësi tek opinioni publik.
Shumë qytetarë kanë reaguar tejet të indinjuar dhe nuk i kanë kursyer komentet negative ndaj procesit në tërësi, por edhe ish-kryeprokurorit, duke e cilësuar vendimin e komisionit…skandaloz.
Nuk kanë mjaftuar, as argumentat e publikuara nga “Departamenti Amerikan i Shtetit”, i cili duke u bazuar në informacione për: “përfshirje të Adriatik Llallës në raste domethënëse korrupsioni”, duke i ndaluar hyrjen atij dhe familjes në Shtetet e Bashkuara, që “KPA” të niste një proces për verifikimin e pasurisë së ish-kryeprokurorit.
Komisioneri argumentoi, se ish-Prokurori i Përgjithshëm pavarësisht dorëheqjes nga drejtësia, vazhdon të ketë statusin e magjistratit e për këtë arsye dorëheqja e tij nuk rezulton të jetë kryer siç duhet.
Të vetmen masë që mori KPA, pasi gjykoi të ndërpres procesin e rivlerësimit (vetingun) për Adriatik Llallën, ishte ndalimi i emërimit të tij, gjyqtar, prokuror apo anëtar i KLD-së, për një periudhë 15 vjeçare.
Kaq ka mjaftuar, që në rrjete sociale të shpërthej një “tërmet”, ku qytetarët komentojnë të zhgënjyer vendimin, sipas tyre skandaloz të organit të vettingut!
Më poshtë, janë vetëm disa prej qindra komenteve të publikuara në rrjet, që dëshmojnë se tashmë, qytetarët e kanë humbur besimin dhe ndjehen të “tradhëtuar” nga organet e reja të drejtësisë, për padrejtësinë që treguan nga vendimi i sotëm. Ja si e shpjegojnë vendimin disa prej tyre./Ekskluzive.al
