Maria, nëna e Erlindës, nuk e di që është pikërisht vajza e saj e vogël që e ka thirrur në “Ka Një Mesazh Për Ty”. Erlinda tregoi gjatë rubrikës së “E Diela Shqiptare” në Tv Klan pengjet e saj për të ëmën, dëshirën për ta falenderuar e për t’i kërkuar falje.
Prej disa kohësh, bashkëshorti i Erlindës varet nga dializa për të jetuar dhe tani e vetmja mundësi shpëtimi është transplanti i veshkës. Mjekët kanë refuzuar Erlindën si dhuruese, nëna e djalit gjithashtu e ka të pamundur të ofrojë veshkën ndërsa ajo që mbetet është Maria.
Vjehrra do t’i dhurojë veshkën dhëndrit, me dëshirën e vetme që ai të jetojë. Maria e përmend pak problemin e vajzës së saj dhe thotë se gjithçka është në dorë të Zotit, por e bija ka një tjetër mendim për këtë.
Erlinda: Përshëndetje mami!
Marie: Faleminderit o mami!
Erlinda: The në dorë të Zotit por Zoti është i madh dhe të ka krijuar edhe ty dhe ti je ndihma ime dhe në dorë tënde paskemi qenë gjithë jetën. Ke punuar, ke sakrifikuar për ne tre fëmijët dhe unë po them për vete si njëherë nuk të thashë faleminderit o ma.
Marie: Faleminderit edhe ty!
Erlinda: Gjithmonë ke punuar për të na siguruar ne, ke punuar dy-tre punë vetëm për të mirën tonë dhe asnjëherë nuk ta kemi kthyer, asnjëherë nuk ta kemi shpërblyer, por ti paske qenë surprizë më e madhe për ne sesa ne për ty. Ti po bën diçka të mrekullueshme, ti po i jep jetë familjes time dhe shpresë për të jetuar familjes time.
Ardit Gjebrea: Marie, si të lindi ideja që të japësh veshkën për dhëndrin?
Marie: Se e kam dhëndër, është si fëmija im. Tak-tak e mendova.
Ardit Gjebrea: Nuk e mendove dy herë?
Marie: Jo, s’e mendova hiç.
Ardit Gjebrea: A e mendon që mund të ketë rrezik për jetën tënde?
Marie: S’ka gjë, s’është problem fare. Të jetojë vajza me tre fëmijët, më ka tre çuna si yje dhe s’është problem.
