Në mesin e terrositëve serbë të vrarë u tha se është edhe Radomir Poçuça. Së fundmi ka qenë vetë Poçuça i cili përmes një postimi në rrjetet sociale ka hedhur poshtë këto lajme duke thënë se është gjallë dhe nuk ka plan të vdesë.
Në rrjetin e tij në “Facebook”, ai ka lajmëruar të gjithë ndjekësit që të mos shqetësohen lidhur me lajmet që janë duke qarkulluar, pasi nuk ka vdekur dhe ende nuk ka asnjë plumb me emrin e tij në të.
“Boll u shqetësuat lidhur me atë çfarë disa shqiptarë të trashë shkruajnë. Nuk kam vdekur, dhe nuk kam plan të vdes, nuk ka ende asnjë plumb me emrin tim në të”, shkruan ai në rrjetet sociale.
Poçuça ka shërbyer si zëdhënës i njësitit special të anti-terrorit në Serbi, dhe është i njohur dhe i dënuar edhe si pjesëmarrës në luftëra të huaja nga shteti serb. Ai ka marrë pjesë në luftën e Donbas në krahun e separatistëve të mbështetur nga Rusia më 2014.
Gjithashtu mësohet se Poçuça ka punuar edhe si gazetar në televizionin serb, mirëpo e kishte braktiskur pasi kishte shkuar në Ukrainë.
