Aktivistja e njohur, shqiptaro-amerikane, Evi Kokalari ka komentuar zhvillimet e fundit politike, duke e ndalur theksin tek Kuvendi i Rithemelimit i mbajtur këtë fundjavë (të shtunë më 2 dhjetor), ku ish-kryeministri Sali Berisha u rikonfirmua në krye të këtij fraksioni anti-amerikan.
Ndërkohë përveçse Berishës, në mbledhjen e Kuvendit vëmendje mori edhe vajza e ish-kryeministrit Berisha, Argita Malltezi, e cila jovetëm që ishte pjesë, por mbajti edhe një fjalë, prani e së cilës është para nga analistë dhe politikanë të ndryshëm se ajo synon të pasojë babain e saj në krye të këtij fraksioni. Por sa i takon kësaj ngjarje dhe zhvillimeve që kanë ndodhur në Kuvendin e Rithemelimit, ka reaguar ashpër zonja Kokalari, e cila ka shpërthyer në akuza te forta në adresë të Argita Malltezit.
E drejtpërdrejtë në atë që thoshte, Kokalari zbulon se si SHBA i ka qepur dosjen familjes “Berisha”, ndërsa tregon edhe një nga provat e Departamentit Amerikan të Shtetit (DASH) në dosjen e tij “non-grata” të Berishës. Sipas saj, Argita përdori pushtetin e të atit, pra ish-kryeministrit Berisha për t’u pasuruar bashkë me burrin e saj Jamarbër Malltezin. “Është një thënie e Napoleon Bonaparte që thotë:
‘Kurrë mos e ndërprit armikun kur është duke gabuar”’. Kjo shprehje m’u kujtua sot kur shikoja Argita Berishën të fliste në Kuvend, jo se është armike e imja, por më shumë është armike e demokracisë në atë vend. Të kesh nevojë për të mbrojtur veten apo familjen nga akuzat e korrupsionit si të DASH ashtu dhe të SPAK, është diçka që duhet të mbetet personale dhe jo problem i demokratëve.
Në fakt, në mbrojtje të familjes Berisha dolëm të gjithë, për sa kohë që DASH nuk publikonte provat e korrupsionit. Paturpësisht provat na i dha vetë Berisha, me kullën e malit.
Kuvendi sot nuk ishte asgjë tjetër përveç prezantimit të Argitës përpara publikut. Aty folën Berisha, dy n/kryetarët, dy kryetarët e forumit, ARGITA BERISHA dhe disa individë nga diaspora, si për të dhënë idenë e ndryshimit dhe të hapjes se partisë, me fryme të re. Gabimi fatal i familjes Berisha është se nuk kupton që njerëzit e dinë që Argita jo vetëm nuk prezanton të rënë, por ka qenë thellë e implikuar në aferat korruptive të Berishës, duke futur 17 kullat e Abit, se helbete, Abi Malltezi nuk do t’i kishte marrë kurrë tokat po mos të ishte i martuar pikërisht me Argita Berishën”, shkroi ajo.
Mbrojtja e aferave dhe kapja e Rithemelimit
Më tej aktivistja e njohur, shqiptaro-amerikane, Evi Kokalari sulmon vajzën e ish-kryeministrit Sali Berisha, Argita Malltezin edhe për mbrojtjen që kjo e fundit i bën pasurive të saj në studioi televizive, sikundër ndodhi pak javë më parë kur gjatë një interviste për gazetaren Grida Duma, theksoi se pronat e bashkëshortit të saj, Jamarbërit, tek ish-kompleksi “Partizani” janë të ligjshme. Madje zonja Kokalari kritikon zonjën Malltezi edhe për faktin se kjo e fundit po tenton të mbajë kontrollin e Rithemelimit.
“Argita mund ta bëj avokatinë e këtyre aferave tek Nora Kelmendi sa te dojë, është në të drejtën e saja, por me atë nivel intelektual që ka Nora dhe Naim Murseli do të kishte dalë i pafajshëm. Nënvlerësimi që i gjithë klani Berisha i bën intelektit të këtij populli, është diçka që më ka rënë në sy shpesh. Atë natë, tek Nora, kjo ishte ne ‘full display’. Në këtë pikë, familja po bën një gabim- shtyrja e Argitës po ekspozon dëshpërimin e tyre të thellë për të mbajtur kontrollin e një force që nuk ekziston më dhe kjo u duk qartë sot, me pjesëmarrjen që nuk kalonte as ate të Kuvendit të Bashës”, shprehet ajo.
Paralajmërimi i Kokalarit
Por akuza për implikimin e familjes Berisha në kullën që pritet të ndërtohet në qendër të Tiranës, aktivistja Evi Kokalari i ka paralajmëruar edhe më herët. Zonja Kokalari akuzoi ish-kryeministrin Sali Berisha se ka shitur zgjedhjet lokale të 14 majit, por edhe ato të përgjithshmet që pritet të mbahen në 2025. Madje Kokalari përmes një statusi të gjatë në rrjetet sociale thotë se Berisha ka bërë pazare me Ramën, duke u dhënë votat e demokratëve, ku si shpërblim është përfitimi në kullën e re që do të ngrihet në Tiranë.
“Kam folur me disa vete dje për të konfirmuar kush është mbas kullave. Njeri prej tyre që e konsideroj burim super serioz për vetë pozicionit që ka, me një fjali tha se pronare janë Gim Zeqo dhe Ilir Shtufi, ortaku i Shkëlzenit. Ky projekt i është dhënë Ramës për aprovim besoj dikur nga vera e kaluar. Tashti më thoni ju – mendon njeri që Rama do aprovojë një projekt të këtij niveli, pa ditur kush janë pronaret dhe ortakët e tyre?
Çim Peka, që e shoh të tallet rëndshëm me opinionin publik (turp me vete se nuk i falet si gazetar dhe drejtor i një TV), bën mire të bëjë publike diskutimet e tij me Erion Veliajn vjet, kur ne të gjithë entuziazmoheshim me kuvendin kombëtar dhe zgjedhjet e kryesisë, dhe ky gjeniu dilte për vrap me kryebashkiakun dhe negocionin zgjedhjet e ardhshme”, thekon ajo.
Po ashtu Kokalari zbulon edhe faktet. “Faktet janë të padiskutueshme këtu. 1) Ilir Shtufi është ortak dhe funksionon me paratë e Shkelzen Berishës. Nëse jo, Nova Construction të bëjë publike të gjithë financat e kompanisë, hyrjet dhe daljet e parave për 15-20 vitet e fundit.
2) Ky projekt është paraqitur për aprovim tek Rama vitin e kaluar kur të gjithë politikisht po bëheshin gati për garat e Bashkive, dhe leja e ndërtimit është aprovuar ne 8 Mars 2023, vetëm një jave mbasi vula i kaloi PD zyrtare dhe Berisha refuzonte te bashkohej me ta me pretekstin qe nuk bënte pazare me Ramën siç bënte Alibeaj. Shanset janë që Këlliçi nuk ishte i vetmi që iu ofrua në pjatë të argjendë Ramës & Velias.
Protestat para kryeministrisë po ngrinin pazarin. Çdo bashki kishte një çmim. Ja u garantoj, në këto zgjedhje, këta që kryesuan opozitën, nuk lanë në tavoline vetëm bashkinë e Tiranës. Ne fakt, ky projekt është shumë me i madh se ai i Kastratit, dhe vetëm nga kjo besoj se shanset janë këta nuk kanë shitur vetëm zgjedhjet e 14 Majit, por dhe 2025. Të ndërtosh pallate në Tiranë nuk ka asgjë të keqe, ama të shesësh votën e demokratëve që të mbështetën, për pazaret e familjes, jo vetëm është cenim brutal i demokracisë, por duhet në mënyre absolute të denoncohet në SPAK & DASH.
Për sa i përket përgjigjeve të klanit te Berishës, jam e sigurt që kanë kohe që përgatiten për këtë situatë, prandaj e vetmja mënyrë për te vërtetuar që janë të pafajshëm, bëhet duke verifikuar që Shkëlzen Berisha dhe Ilir Shtufi s’kanë lidhje biznesi bashkë. Është kaq e thjeshte. Çdo gjë tjetër është një gënjeshtër masive!
Ndërkohë, të gjithë demokratëve te rithemelimit, qe e mundësuan këtë kullë me pjesëmarrjet e tyre në protesta dhe fushate, dhe sidomos atyre idioteve qe hidhnin balte mbi mua personalisht kur ngrita zërin për pazare ne kurrizin e atyre vete, ju sugjeroj të shkojnë dhe te japin nderimet e radhës përpara kullës, ja ashtu grushtin lart tek tëmthi, sepse ju jeni produkt i një regjimit që ju tredhoi psikologjikisht, dhe ju ktheu në dele dhe ushtarë të rëndomtë. Për sa i përket Edi Ramës, po qe burrë, të anulojë lejen e ndërtimit, siç ja kërkoi Shkëlzen Berisha! Te paktën derisa SPAK të fillojë një investigim”, nënvizoi aktivistja e njohur, shqiptaro-amerikane, Evi Kokalari.
