Nga Anri Bala
Asgjë nuk ndodhi! Unë prisja të ndodhte diçka, prisja që dikush të kërkonte falje për gjithë ato që bënë dhe kurdisën në dëm të Shqipërisë dhe të shqiptarëve, për një arsye të vetme, rrikthimin në pushtetin e pamerituar dhe të përçudnuar prej tyre . Por ato heshtën dhe përsëri të ngjirur nga shpifjet dhe të thirrurat anti shqipëri, sot vazhduan të qanin, se nuk qeshnin dot, se u kishte ikur mundi kot, duke shkrirë gjithë arsenalin e armëve “bllok”, për hapjen e negociatave.
Ishte vërtet e papritur për Lulzim Bashën dhe Vasalët, rrjedha e ngjarjeve dhe devijimi nga axhenda e diskutimit për hapjen e negociatave BE-Shqipëri- Maqedoni, duke e kthyer në një nul temën e aq shumë diskutuar: “Do hapen apo nuk do hapen”! Ishte si një ndeshje futbolli e anuluar, ku nuk ka, as fitues as humbës, por as barazim,thjeshtë ndeshja nuk u bë, por do bëhet. Në të vërtet jam i lumtur, që as nuk u hapën as nuk u mbyllën, sepse për fatin tonë të mirë, na lanë kohë, që reforma në drejtësi të kthehej nga abstarksion në materie, e kjo është ajo që kërkon çdo shqiptarë: Në burg të korruptuarit, grabitësit hajdutët , imoralët dhe vasalët me pushtet dhe nën pushtet.
Natyrisht, që shtyrja e negociatave dhe caktimi i një date një vjeçare, nuk kishte as një lidhje me ato që thonë, ato që nuk dinë se ç’thonë dhe për kë i thonë. Askush nuk mund ta besoj, se Edi Rama qenka dhe kryetari i qeverisë së Maqedonisë e Zaevi një figurant?!
Askush nuk mund ta imagjinoi, se Edi Rama qënka aq i fuqishëm, sa për interes të tij, të tërheq zvarrë dhe Maqedoninë! Askush, nuk mund ta imagjinoi, se për inat të Shqipërisë nuk i’u hapën negociatat as Mqedonisë, por gjithëkush duhet të kuptoi, se ato nuk ishin në dorën tonë, e as të opozitës, që u ngop duke ngrënë nëpër gjirize, për t’i vjellë, pastaj pëgërjet, në kancelaritë e partnerëve.
Opozita jonë, nëse do hapeshin negociatat, donte të merrte merita nëpërmjet bllokimit, por çdokush e dinte, e do ndjehet tepër i fyer, me një opozitë të poshtër deri në marrëzi, që nuk ndaloi asnjë çast pa përbaltur vendin, për të penguar progresin.
Në një kohë që opozita maqedonase, me një pushtet të humbur në saj të votës së shqiptarëve, kurrë nuk foli kundër vendit të saj, por arriti dhe shkeli parime dhe kauza, siç ishte dakordësia për ndryshimin e emrit, për të marrë çeljen e negociatave.
Por, negociatat u shtyn, e kjo është një mundësi që dëshira jonë të realizohet, jo ajo e futjes në Europë, sepse duhet nje dekadë, por të filloi funksionimi i “gijotinës” së drejtësisë, SPAK dhe BKH, për të futur në gropë, këto që deshën të na bënin gropën. Kaq na mjafton, që ta falenderojmë Europën, që me dashje apo pa dashje, mendoi pak fare… për ne. Kur dëgjon një profesor ish politikan , diplomat që deklaron se qënkan shtuar kushtet dhe qenka bërë gjëma, ngelesh i shokuar se idiotizmi i pushtetit, ka hyrë deri tek rracat e tij.
Nëse është kusht i ri, burgosja e të gjithë kriminelëve të lindur nga mitra pushtet, e pse mos të presim?! Nëse, në një vit na duhet, që të korruptuarit të tmerrohen, kur ne… të fusim dorën në xhepin tonë, pse mos të presim edhe …2 vjet?! Nëse është kusht, që reforma në drejtësi, të jetë cikël i mbyllur, përse të mos presim edhe ca ditë, kur kemi pritur 75 vjetë?!
Nëse është kusht, forcimi i luftës kundra krimit politik, përse të mos presim dhe të shikojmë se kush trembet për t’i shkuar deri në fund…reformës ?!
Vetëm për një gjë nuk jam dakord, nëse Holanda na kërkon kusht luftën ndaj kanabisit, sepse ne e kemi fituar… me Holandën. Raporti i OKB për drogërat e rendiste Holandën në vendin e parë në Europë për kanabisin dhe kjo më krijon bindjen, se çfarë tallje është të kërkoi një vend si ai, luftën kundër “barit”.
Opozitar mjeran, që e keni grabitur si shumë gjëra edhe identitetin e opozitës, ndeshja nuk u zhvillua dhe ju e humbët ndeshjen, sepse kishte rezultat, nga arbitrat që na uruan për fitoren.
Ju, sot qeshnit se nuk mund të qanit dot, sepse nuk qahet për fitoren edhe sikur imagjinare të jetë .
Dhimbjen e humbjes, e kthyet në lehje, sepse nuk kafshoni dot. E pranuat me dhimbje poshtërimin që i’u shkonte për shtat ju, por që e lehtësonte atë, kur ai i’u drejtua Zotit me shprehjen: “O zot kufizove inteligjencën e njeriut dhe nuk kufizoi edhe budallallëkun!”.
Nëse zoti do kufizonte budallallikun, ai do kishte përballë njerëz dhe jo dykëmbësha fluturak që flejnë mbi pemë dhe duan të bëhen bilbil me zërin e papagallit, e ne nuk do endeshim si çifutët në shkretëtirë…. për një opozitë./Ekskluzive.al
