Grupi i deputetëve dhe biznesmenëve nga Shqipëria dhe rajoni, që janë ftuar të marrin pjesë në National Prayer Breakfast, ose siç njihet në shqip në Mëngjesin e Lutejve, e shmangën nga salla ku organizohet pritja nga Presidenti, duke u rezervuar një mëngjes në hollin e hotel Hilton, hoteli i famshëm në Uashington, i cili pret zakonisht shumicën e të ftuarve për Mëngjesin e Lutjeve, por duke qenë të lidhur online me sallën qendrore ku zhvillohej ngjarja.
Salla qëndrore tradicionale e takimeve sipas dhe vet postimeve të viteve më parë nga vet Mediu është kjo.
Nuk është e qartë pse grupi nga Ballkani u privua të merrte pjesë në sallën tradicionale. Vëzhguesit nga Uashingtoni numërojnë një sër arsyesh. Ndër më kryesoret është përbërja e delegacionit, dhe keqpërdorimi i aktiviteteve të rëndomta dhe fotografive për ta paraqitur si mbështetje amerikane në vendin e tyre.
Ndërkohë një arsye e fort mund të jetë fakti që delegacioni i Ballkanit është një listë e hartuar nga Fatmir Mediu, një ish ministër nën akuzë për korrupsion dhe shpërdorim detyre që po gjykohet në Shqipëri. Pjesë e listës është dhe Gazmend Bardhi, një opozitar i cili së fundmi mbështet Sali Berishën të shpallur “non grata” nga SHBA. Një tjetër pjestar delegacioni ka qenë Irfan Hysenbelliu, dhe djali i itj të cilët kanë investime në media dhe fushën e ndërtimit.
Por veç këtyre arsyeve ka dhe disa banalitete të tjera.
Që nga viti 2023, Mëngjesi Kombëtar i Lutjeve drejtohet nga një organizatë e re, “Fondacioni Kombëtar i Mëngjesi i Lutjeve”. Ai është krijuar për të qenë një forum për elitën politike, sociale dhe të biznesit për t’u mbledhur dhe lutur së bashku.
Që nga fillimi i Mëngjesit Kombëtar të Lutjes, disa shtete dhe qytete të SHBA-së dhe vende të tjera kanë krijuar ngjarjet e tyre vjetore të mëngjesit të lutjes.Mediu ka qenë i lidhur me organzitën e mëparshme, e cila u shmang për shkak të akuzave për mungesë transparence.
Ngjarja, në fakt është thjeshtë një mëngjes, por përmbledh një seri takimesh, drekash dhe darkash dhe ka nisur të ndodh që nga viti 1953. Seanca ku është prezent presidenti i SHBA është zakonisht e enjtja e parë e muajit shkurt.
Delegacioni ku përfshihen politikanët shqiptar dhe ata të rajonit, që janë pjesë e listës Mediu, u shmangën nga prania në sallën qendrore, duke u konsideruar me sa duket grup problematik.
Përtej kësaj ata kanë vazhduar të postojnë foto nga aktiviteti, i cili siç thamë nuk perfshin vet´m Mengjesin e Lutejev, por dhe dreka darka tkaime dypaleshe etj..
Kështu Fatmir Mediu shkruan se ka takuar disa miq nga Ballkani dhe një psikolog të famshëm. “Në mëngjes e lutjeve sot në DC me miq nga Ballkani.Kënaqësi e vecantë të takoja Psikologun me famë botërore Jordan Peterson, autor i disa librave.”
Ndërsa Gazmend Bardhi poston foton nga tavolina e mëngjesit në Hillton.
Damian Gjiknuri I ka dhënë lezet aktivitetit duke postuar foto me Baba Mondin, ndërsa Irfan Hysnebelliu me kongresmenin Jim Moran në zyrën e tij, së bashku me të birin.
Në një video të postuar nga djali I Hysenbelliut shikohet salla ku ata po kalojnë mëngjesin dhe se si shikojnë onlinë sallën qendrore.
Nuk është se kjo që ka ndodhur është ndonjë dramë e madhe.
https://www.facebook.com/reel/2457709834412422
I vetmi që mund të ketë problem është Fatmir Mediu, të cilit mund ti kërkojnë të kthej pas shpenzimet për disa pjesëtarë të delegacionit që quhen kontributorë në këtë aktivitet dhe u ishte premtuar salla qendrore e eventit.
