Marrëveshja mes mazhorancës dhe Rithemelimit, për normalizimin e Kuvendit ka shkaktuar debat në studion e emisionit “Të Paekspozuarit” në MCN TV, mes analistit Neritan Sejamini dhe drejtorit të Komunikimit të Rithemelimit, Alfred Lela.
Sejamini deklaroi se bisedimet janë një lëvizje shahu e Edi Ramës dhe se opozita ende nuk po e kupton qëllimin e tij, për të ndryshuar kornizën kushtetuese të vendit dhe ndaj i duhet ndalimi i flakadanëve në Kuvend, por gjithsesi ligjet do t’i kalojë me votat e Lulzim Bashës.
Pjesë nga debati:
Ylli Rakipi: Në këtë marrëveshje, a do ti thoni Edi Ramës t’ju japë vulën? Që kur keni humbur vulën deri sot, thoni e vodhi Edi Rama vulën. Do t’ja kërkoni vulën? A do ta vini si kusht? A është përcaktuese kjo?
Alfred Lela: Stilin tënd, për ti pëlqyer publikut unë e kuptoj, por mos e trajto si pazar. Ajo është një gjë që i takon PD.
Ylli Rakipi: Po pse nuk e kërkoni pra? Ju duhet të kërkoni identitetin tuaj, që formalisht është vula.
Alfred Lela: Po në parim po, PD nuk duhet të ndaloje së kërkuari ato që i takojnë.
Scientists Warn Greenland Ice Sheet Melting Faster Than Predicted
Keep Watching
Neritan Sejamini: Une mendoj se kjo që ka bërë zoti Rama është lëvizje shahu. Ju do t’ju nxjerrë jashtë loje dhe nuk ka nevojë fare për ju. Nëse ju nuk merrni vulën, jeni të mbaruar. Harrojini komisionet, merrni vulën. Nuk negociohet me njeri që ka 94 vota në Kuvend.
Vetëm Enver Hoxha ka patur më shumë. Presioni juaj a do të çojë te marrja e vulës apo jo? Kam frikë se kjo është lëvizje shahu që nuk do ta kuptoni dhe do të harroni gjënë kryesore. Rama do të amendojë reformën në drejtësi, do të bëjë reformë territoriale dhe zgjedhore. Ai për këto ka nevojë për qetësi, bashkëpunim dhe të huajt të mendojnë se gjërat janë në rregull. Ju duhet të merrni të drejtën tuaj për të qenë parti institucionale.
Alfred Lela: Opozitës disa kreditë i duhen dhënë.
Neritan Sejamini: Kur të shkruhen librat e historisë ti themi këto.
Alfred Lela: Një opozitë e shkalafitur, tradhtuar, arrestuar, përndjekur, me gjykata dhe SPAK në kurriz, me dy non-grata, ka patur një trajektore që duhet respektuar.
Neritan Sejamini: Nëse unë e nis fjalën me këto lavdërime çfarë ndryshon? Ja të bëj unë pesë minuta lavdërim. Të bëjmë edhe një ceremoni. Ajo që ka bërë Edi Rama është thjesht lëvizja e parë në një lojë shahu.
