Real Madrid pret të martën në mbrëmje Manchester Cityn, në ndeshjen e vlefshme për çerekfinalet e Champions League. Spanjollët synojnë të marrin hak ndaj “The Citizens” për eliminimin sezonin e shkuar, teksa po mendojnë edhe një plan “djallëzor” për të zënë në “grackë” të besuarit e Pep Guardiolës.
Drejtuesit kërkojnë dhe shpresojnë që pak orë para sfidës, të marrim miratimin e UEFA-s për të mbyllur çatinë e stadiumit Santiago Bernabeu, për të krijuar kështu me tifozerinë e tyre një atmosferë edhe më elektrizuese.
Te Reali, shpresojnë shumë që atmosfera e gati 80.000 tifozëve të ulë vrullin e Haaland me shokë dhe nga ana tjetër, t’i shtoj një “marsh” më shumë “galaktikëve” të Carlo Ancelottit.
Deri më tani nuk ka ende një vendim rreth çatisë së stadiumit, teksa do të jenë zyrtarët e UEFA-s që pak orë para sfidës do të vendosin nëse ndeshja do të luhet në qiell të hapur apo jo.
