Para fillimit të ndeshjes së djeshme kundër Real Madrid, tifozët e Bayern Munich shpalosën një koreografi të mrekullueshme për të nderuar Franz Beckenbauer.
Në ndeshjen e djeshme gjysmëfinale të Ligës së Kampionëve në ‘Allianz Arena’, tifozët e Bayernit i bënë nderimet e tyre një legjende të klubit. Ata shpalosën një koreografi të mrekullueshme për nder dhe kujtim të të madhit Franz Beckenbauer, një prej futbollistëve më të mirë gjermanë të të gjitha kohërave, i cili vdiq pas një sëmundjeje në janar të këtij viti.
Pranë imazhit të tij, fansat shkruanin “Kaiser” në njërën anë dhe “Franz” në anën tjetër. Ndeshjen mes Bayernit dhe Realit, e cila përfundoi me rezultat 2-2 është ndjekur edhe nga familjarët e Beckenbauer në stadium.
