Andi Ballta, një ish kamarier në SHBA, është pronar me 80 % të aksioneve të Abi Bank, e blerë për 67 milionë euro në vitin 2015. Në 3 korrik 2018, ABI Bank blen për rreth 76 milionë USD Bankën NBG Albania, ish degë e Bankës Kombëtare të Greqisë. Pra, dy banka me vlerë 143 milionë euro.
Po si Andi Ballta e kontrollon Abi Bank?
Andi Ballta ka 100% të aksioneve të kompanisë ofshore Moscopole, regjistruar në shtetin Delawere, parajsë fiskale, shteti i dytë më i vogël në Shtetet e Bashkuara të Amerikës. Kompania Moscopole ka 80 % të aksioneve të kompanisë offshore Tranzit.
Kompania ofshore Tranzit ka 100 % të aksioneve të Abi Bank.
Si e justifikon Andi Ballta blerjen e dy bankave 143 milionë euro? Me çfarë burimesh?
Që të blesh dy banka 143 milionë euro duhet të kesh një aktivitet të atillë financiar për të justifikuar vlerën, duhet të kesh një historik biznesi, pra burime të ligjshme të ardhurash. Andi Ballta ka paraqitur kompaninë Moscopole, me aktivitetin e të cilës justifikon blerjen e Tranzit dhe më pas të Abi Bank dhe në fund të NBG Bank, përmes Abi Bank.
Çfarë aktiviteti ka Moscopole dhe a e justifikon blerjen e dy bankave? A është Moscopole një kompani reale dhe serioze?
Prapaskena ka publikuar për herë të parë dokumente rreth aktivitetit financiar të një kompanie të regjistruar në parajsë fiskale, siç është Moscopole. Dhe nuk ka befasi. Moscopole është një kompani fantazmë, pa aktivitet, pra kompani fiktive, e përdorur për të mbuluar paratë e pista, me të cilat janë blerë dy banka; ABI Bank dhe NGB Bank me vlerë 143 milionë euro. Mungesa e aktivitetit dhe bilanceve të kompanisë Moscopole fakton pastrimin e parave. Zbulimi i mungesës së aktivitetit të Moscopole është një provë për SPAK-un apo Prokurorinë e Tiranës, organe të cilat duhet të arrestojnë Andi Balltën për pastrim parash dhe të sekuestrojnë Abi Bank.
FBI nis hetimet për mashtruesin Andi Ballta?
Moscopole u zbulua se nuk ka aktivitet. Tranzit nuk ka aktivitet. Andi Ballta ka aktivitet vetëm si kamarier dhe banakier në SHBA, ndërkohë që është bërë pronar i dy bankave. Dokumentet për veprimtarinë e një kompania në offshore është shumë e vështirë të gjenden. Parajsat fiskale janë zgjedhur pikërisht për të mbajtur në errësirë aktivitetin. Aktiviteti i kompanive në offshore mund të zbulohet vetëm me investimin e agjencive partnere të zbatimit të ligjit. A ka nisur një hetim FBI për Andi Balltën, i cili përdor një shtet amerikan për pastrimin e parave? E sigurt është që Prokuroria e Tiranës po mbyll një dosje për pastrimin e parave nga Andi Ballta, pas të cilit dyshohet se fshihen ‘ustallarët’ e vërtetë.