Surprizë në Francë! E majta e Frontit Popullor ngjitet e para, makronistët të dytët, Le Pen zbret e treta

Le Pen u mund, por kjo nuk e largon Francën nga ‘thëngjilli i nxehtë’.

Rezultati i raundit të dytë të zgjedhjeve legjislative në Francë – të paktën sipas parashikimeve, të cilat megjithatë konsiderohen shumë të besueshme në të gjithë Alpet – shënon një fitore të qartë për Frontin e Ri Popullor të së majtës që do të ketë shumicën relative dhe është duke pretenduar tashmë të drejtën për të qeverisur.

“Ne kemi arritur një rezultat që ata na thanë se ishte i pamundur,” tha kreu i krahut të majtë Jean-Luc Mélenchon. I cili nuk i zgjat dorën Macron-it, përkundrazi shprehet se: Konfirmohet qartë disfata e Presidentit të Republikës dhe koalicionit të tij. Presidenti duhet të përkulet dhe të pranojë humbjen e tij.

Macron tani do të duhet të kuptojë se kush mund të qeverisë. Tema e bashkëjetesës zhvendoset nga e djathta në të majtë. Të gjithë sytë te Macron dhe lëvizjet e tij të radhës, teksa zëdhënësi i tij u shpreh për AFP se tashmë duhet maturi.

“Këtë mbrëmje, marrëveshjet e tyre elektorale e hedhin Francën në krahët e të majtës ekstreme nga Mélenchon. Aleanca e çnderimit ka fituar”, u shpreh kandidati për kryeministër i së djathtës ekstreme Jordan Bardella.

Raundin e parë e fitoi Le Pen

Tubimi Kombëtar (RN) i ekstremit të djathtë të drejtuar nga Marine Le Pen ka arritur të fitojë kundër kundërshtarit të saj Macron, në raundin e parë të zgjedhjeve në Francë që u mbajt të dielën e 30 qershorit. Ky raund i solli rezultatin më të mirë ndonjëherë Bashkimit Kombëtar të zonjës Marine Le Pen.

Nëse Bashkimi Kombëtar fiton një shumicë absolute, udhëheqësi i saj 28 vjeçar Jordan Bardella, do të marr postin e kryeministrit.

Zgjedhjet përfundojnë në orën 20:00 sipas kohës lokale në Francën kontinentale dhe në ishullin e Korsikës.

Menjëherë pas votimit, Ministria e Brendshme franceze i frikësohet konflikteve dhe tensionev veçanërisht në Paris dhe rrethinat e tij. Dhe kjo është arsyeja pse për raundin e dytë të zgjedhjeve u vendosën 30 mijë policë dhe xhandarë, nga të cilët pesë mijë në kryeqytet, nga frika e përplasjeve në rrugë veçanërisht kundër ngritjes së ekstremit të djathtë.

Ministri i Brendshëm Gerald Darmanin konfirmoi 51 sulme fizike ose verbale kundër kandidatëve, ekipeve ose mbështetësve në një fushatë zgjedhore veçanërisht të tensionuar.

‘Fronti i Ri Poullor është gati të qeverisë’. Ne kemi arritur një rezultat që na thanë se ishte i pamundur.’

Kreu i LFI-së Jean Luc Melenchon e tha këtë menjëherë pas vlerësimeve të para të rezultateve të raundit të dytë të zgjedhjeve legjislative, të cilat e panë të majtën me një avantazh të qartë.

‘Është një lehtësim i madh për një pjesë të madhe të vendit’, vijoi ai. ‘duhet respektuar rreptësisht vullneti i popullit. Asnjë marrëveshje nuk do të ishte e pranueshme. Humbja e presidentit të Republikës është konfirmuar qartë. Presidenti duhet të përkulet dhe të pranojë humbjen e tij.’

Si funksionon votimi në vendin më me ndikim të Europës

Çfarë roli luan Asambleja Kombëtare?

Asambleja Kombëtare është shtylla qendrore e parlamentit francez. 577 deputetët zgjidhen drejtpërdrejt për pesë vjet dhe votojnë për ligjet. Ekziston edhe një dhomë e dytë e parlamentit, Senati, i cili luan një rol dytësor dhe zgjidhet në një moment tjetër.

Nëse dhomat nuk mund të bien dakord, qeveria mund t’i japë Asamblesë Kombëtare fjalën e fundit për legjislacionin. Aleanca centriste e Macron mbante shumicën e vendeve në Asamblenë Kombëtare përpara se të shpërbëhej, por jo një shumicë absolute.

Sa e rëndësishme është shumica absolute për Macron?

Dy vitet e fundit janë përfshirë nga mosmarrëveshjet e brendshme, duke treguar se qeverisja pa një shumicë absolute në Asamblenë Kombëtare është e vështirë.

Nëse një kamp tjetër përveç atij të Macron do të merrte një shumicë absolute, presidenti do të detyrohej efektivisht të emëronte një kryetar qeverie nga radhët e tyre.

Nacionalistët e ekstremit të djathtë kanë shpresa për të ardhur në qeveri. Edhe nëse puna e vetë Macron nuk është në rrezik, pozicioni i tij do të dobësohej ndjeshëm në një skenar të tillë.

Si funksionojnë zgjedhjet?

Ligjvënësit zgjidhen drejtpërdrejt nga njerëzit në qarkun e tyre.

Kushdo që merr më shumë se gjysmën e votave të hedhura në zonën e tyre zgjedhore, fiton një vend në parlament – me kusht që kjo të korrespondojë me të paktën një të katërtën e votuesve të regjistruar atje.

Por shumë pak e arrijnë ndonjëherë këtë sukses në raundin e parë.

Shumica e vendeve ndahen në balotazhin e zgjedhjeve një javë më vonë. Pikërisht atëherë do të përballen dy votuesit kryesorë, së bashku me çdo kandidat tjetër që ka marrë mbështetjen e të paktën 12,5% ​​të të gjithë votuesve të regjistruar në qark.

Nëse disa kandidatë kalojnë në balotazh, është e zakonshme që pretendentët të largohen nga gara. Kjo taktikë është përdorur për të konsoliduar votuesit dhe për të bllokuar fitoret e kandidatëve të ekstremit të djathtë.