Krahas Sali Berishës dhe Lulzim Bashës si të dyshuarit kryesorë për vrasjet e 21 janarit, pengimin e drejtësisë dhe zhdukjes së pronave të krimit, SPAK pritet të thërrasë edhe Sandër Frangajn për t’iu përgjigjur pyetjeve rreth rolit dhe lëvizjeve të tij pas vrasjeve të 21 Janarit, në funksion të manipulimit të krimit.
Prapaskena mëson se mesnatën e 21 Janarit, teksa Berisha deklaronte se protestuesit ishin vrarë nga afër, klienti i tij mediatik dhe zëri kryesor propagadistik me TV Klan, Sandër Frangaj ka hyrë në Kryeministri.
Hyrja e Frangajt në Kryeministri, i cili merrte miliona euro reklama nga pushteti i Berishës, është regjistruar në orën 01:30 të natës.
Frangaj do të pyetet se në çfarë cilësie ka hyrë në Kryeministri, kë ka takuar dhe çfarë ka biseduar.
Kujtojmë që ekspertët e Byrosë Federale të Hetimit (FBI-së) kamë konstatuar se në serverin qendror të kamerave të sigurisë të Krueministrisë ka pas ndërhyrje natën e 21 janarit 2011.
Për zhdukjen e pamjeve filmike u mor i pandehur Armando Kasaj, për të cilin prokuroria kërkoi dy vite burg, për veprime që pengojnë zbulimin e të vërtetës, por Kasaj u shpall i pafajshëm nga gjyqtari Gerd Hoxha.
Ndërkaq, në mbulimin e krimit të Berishës ka marrë pjesë edhe Frangaj.
Më 21 Janar 2011, Sandri mohoi plagosjen e gazetarit që punonte pranë televizionit të tij, Fatos Mahmutaj, pasi Berisha kishte thënë ndërkohë se lajmi i për plagosjen e gazetatit ishte mashtrim i Edi Ramës për të përhapur panik.
“Ju i keni dhënë të gjitha, madje unë dëgjova një telekronist tuajin që tha se më ka marrë plumbi, pastaj doli se nuk e kishte marrë plumbi. Ndjeva keqardhje, por fatmirësisht doli se nuk e kishte marrë plumbi dhe tha se më shtynë”, tha Berisha natën e 21 Janarit 2011, në një kohë kur Mahmutaj ishte në spital.
Kur Fatos Mahmutaj refuzoi ofertën-urdhër për të mohuar të vërtetën, ai nuk u lejua që të dëshmonte live në studion e televizionit ku punonte.
I plagosur, Fatos Mahmutaj u izolua disa orë në ambinetet e televizionit të Sandër Frangajt. Më pas ai u mohua dhe u dëbua nga televizioni si një rrezik që mund të prishte pazaret e Sandrit me pushtetin e Sali Berishës.
Gazetari u dërgua nga disa kolegë të tij në spital. Atë natë ka pasur edhe një plan për ta zhdukur, siç është operuar me dëshmitarët Remzi Hoxha, Kosta Trevicka, Eduard Belegu, Qazim Tepshi etj., por gazetari ka shpëtuar falë interesimit të disa ambasadave të huaja për shëndetin e tij.
Ishte koha kur disa ministra dhe drejtorë të Berishës ishin në garë se kush do të sajonte më shumë reklama për Sandrin. Mbi 12 milionë euro nga paratë publike kanë shkuar në xhepat e tij.
Rastësi apo jo, por pas fshehjes së plagosjes së gazetarit të tij, Fatos Mahmutaj, Sandër Frangaj ka nisur të privatizojë sipërfaqe toke, pjesë të pronës së familjes Hysa në ish Kinostudio.
Për privatizimin e pronës së familjes Hysa nga Frangaj, Berisha ka agazhuar strukturat përkatëse të pyshtet-shtetit të tij, ashtu siç vuri në rresht shtetin për të kaluar ish Klubin Partizani në duart e dhëndrit të tij.
Krahas privatizimit të pronës së familjes Hysa, Frangaj zgjeroi edhe hartën e zaptimit. Madje mbi një sipërfaqe të familjes Hysa, njohur me vendim të Gjykatës së Lartë, ka ngritur panele diellore.
Guxim i madh të zaptosh dhe shfrytëzosh pronën e tjetrit, ndonëse me lejen dhe garancinë e pushtetit, si dhe me drejtësinën e Adriatik Llallës dhe Gjin Gjonit, një drejtësi që paraqiste forcën çdo mbrëmje tek dyshja Berisha-Meta.
Si mekanizëm për grabitjen e pronës së familjes Hysa është përdorur bordi drejtues i Albafilm, një grremç mafioz që komandohej nga Ministria e Ekonomisë dhe Ministria e Kulturës.
SPAK-ut dhe BKH-së i mjaftojnë vetëm disa orë për të identifikuar ustallarët e kësaj historie të zezë korrupsioni dhe padrejtësie.
