Tomor Alizoti, ka folur për protestën e thirrur nga opozita më datë 7 tetor në Tiranë dhe thotë se shqiptarët duhet të bëjnë atë që bëjnë berlinezët apo parisienët, kur dalin e protestojnë sa herë mendojnë se iu shkelen të drejtat.
Demokracia jeton nga njerëzit që dalin në rrugë, do thyhen edhe xhama. Demokracia ruhet nga këta njerëz që dalin në rrugë për të mbrojtur të drejtat e tyre.
Vetëm në diktatura njerëzit nuk dalin dhe nuk kërkojnë të drejtat e tyre. Parlamenti është jo funksional. Opozita ka të drejtën e saj të radikalizimit dhe të drejtën e shprehjes së saj. Shumë parlamente, përfshi edhe ato në vendet nordike, kemi përplasje”, deklaron To-Morri.
Pasi qau dhe u qyrros me llogje për vendimet e drejtësisë së mirë, kur burgos anëtarë të qeverisë dhe punonjës të administratës dhe kriminalo-drejtësisë që ka pickuar dy persona, njëri “non grata” familjarisht për korrupsion madhor kur drejtonte vendin, i cili zgjodhi me vullnetin e tij qëndrimin majë ballkonit dhe tjetri një intrigant i vogël, i gjetur me qiri nga Lulzim Basha dhe i katapultuar në politikë pa asnjë sekond kontribut për demokracinë dhe Partin demokratike, për të bërë dashuri online në parlament dhe masturbuar me mesazhe erotike me kolegen.
Kjo është vërtetë për të vënë kujën, jo për këtë dyshe, po se si janë katandisur njerëzit dikur me personalitet… për nje grimcë pushtet.
Si është e mundur që To-Morri i karriges së deputetit flet si të gjithë sharlatanët e Foltores, duke ngatërruar popullin dhe protestat popullore të popullit francez, gjerman, anglez me çmenduritë e turmave që nuk kanë asnjë ideal apo motiv politik?
Protesta në këto vende, To-morri i karriges së falur nga Berisha, e di shumë mirë që nuk janë as iniciuar dhe as drejtuar dhe as ndërmarrë nga karrigedhjerët e ish pushtetit të tyre kriminal, por nga zemërimi dhe padrejtësitë që u bëhen qytetarëve.
Shqiptarët janë më shumë europian se francezët, gjermanët dhe italianët, por raca i këtyre shkallabanëve fut turinjtë herë pas here, për të marrë atë që kanë humbur me turp dhe panderë… pushtetin, duke njollosur kauzën qytetare dhe duke e futur protestën në hullin e gjirizit të haleve private, që kutërbojnë erë dhe vetëm drejtësia mund t’i pastroi.
Hallin e To-Morrëve për tu dukur si trima përpara plakut, që i shikon me dylbi majë ballkoni, nuk ua zgjidhin qytetarët e ndershëm, që kanë me qindra halle dhe probleme të tyre dhe as që u bie ndërmend as për familjen Berisha dhe as për Sali Jaranin e Gridës, ndaj do të bëjnë mirë t’i mbushin xhepat me gurë dhe të thyejn xhama e poça elektrik, sepse kështu “bëjnë” edhe deputetët imagjinar europian, që kurrë nuk i kemi parë në protesta mes qytetarëve, por vetëm në debate edhe të dhunshme por aty ku e kanë stallën dhe kufirin.
Një këshillë: mendohuni mirë, se mos gurët u kthehen mbrapsht, si pështymë e hedhur lartë dhe ju bie mbi kokë, sepse ti filozof je dhe i brishtë e nuk i mbanë dot gurët e ligjit./Ekskluzive.al