Një ditë e çuditshme për futbollin anglez, të mëdhatë nuk donin të zbrisnin në fushë! Në Serinë A jemi mësuar shpesh që nëse një ekip i madh që lufton për titullin gabon në një ndeshje ku është i detyruar për ta fituar, edhe ndjekësi tjetër që është në luftë për vendin e parë, bën po një hap të gabuar.
Por në Premier League kjo ndodh rrallë, është thuajse e pamundur pastaj të shohësh këto ekipe pretendente që “nuk dëshirojnë” të luajnë. Për këtë arsye, e quajmë dita e çuditshme e futbollit anglez.
Në mesditë, Arsenali humbi ndaj Neëcastle në transfertë në shifrat 1-0. Topcinjtë nuk mund të ankohen për asgjë, pasi përveç një mbajtje të kot të topit 36-64%, goditjet në portë ishin 4-1 në favor të Neëcastle.
Në orën 16:00, Manchester City humbi në transfertë ndaj Bournmouth, 2-1. Po e njëjta histori si ndeshja e Arsenalit, mbajtja e topit 35-65% në favor të Man City, por deri në minutën e 80, goditjet në portë ishin 6-0 në favor të Bournmouth. Në 10 minutat e fundit, ekipi i Guardiolës shënoi një gol dhe rregulloi disi statistikat duke e mbyllur me 6-4 goditjet në protë dhe pa mundur të evitojnë humbjen.
Pra në të njëjtën ditë, si Arsenali dhe Man City ishin jo vetëm shumë larg formës së tyre, por edhe daljes me një pikë. Një histori deri diku e ngjashme edhe për Liverpul, që ndryshe nga dy ekipet e tjera, arriti të fitojë në shtëpi me shifrat 2-1 ndaj Brighton. Por kundërshtari e bëri që të djersijë shumë teksa mbajtja e topit shkoi në favor të Brighton, 49-51%, ndërsa goditjet në portë ishin 8-5 në favor të Liverpul. E gjitha kjo tregon qartë se shtimi i numrit të ndeshjeve po e vret futbollin. /Sport Ekspres/
