Pjesëmarrja në ecjen në Bulevard kundër ndërtimit të Teatrit të ri Kombëtar, organizuar nga Partia Demokratike dhe grupi i protestuesve ‘kronikë’, që dalin kundër çdo projekti të ri në Tiranë, është shumë e ulët, disa dhjetëra persona, duke e çuar në dështim atë.
Aty janë mbledhur pak mbështetës të PD-së, drejtuesit e shoqatave të artistëve, ish drejtorë të LSI-së, si dhe të rinjtë që protestojnë kundër gjithçkaje në Tiranë, ashtu siç bënë edhe dy vjet më parë kundër këndit të lodrave te Liqeni, kundër Pazarit të Ri apo sheshit “Skënderbej”.
Fotot e realizuara me dron nga ecja e grupimit në fjalë tregojnë një mosinteresim nga qytetarët e Tiranës. Dy ditët e fundit, media ka botuar skandalet e drejtuesve regjisorë të protestës kundër teatrit, të cilët rezultojnë të dënuar nga Gjykata e Rrethit Tiranë për vjedhje të fondeve të filmave./LEXO.AL
