Nepotizmi në administratën publike dhe favorizimi në të gjitha format e tyre në nivel lokal apo rajonal janë lloje të sjelljes korruptive të zyrtarëve të lartë. Kjo sjellje pengon efektivitetin në ofrimin e shërbimeve publike, ulin besimin dhe dëmtojnë perceptimin se autoritetet po u shërbejnë interesave të zgjedhësve të tyre.
Rasti më flagrant është “Agjencia për Dialog dhe Bashkëqeverisje”, ku drejtor është kushuriri i Kryeministrit Edi Rama, Angelo Koleka.
Në fakt “Agjencia për Dialog dhe Bashkëqeverisje” është kthyer nga Angelo Koleka në një “Agjenci Shprehjesh Ndjenjash”, ku rasti me flagrant është postimi në faqen zyrtare qeveritare të fotografive personale me përmbajtje romantike dhe poetike.
Krahas fotografive të ministrave, në faqen e bashkëqeverisjes u postua dhe fotografia e punonjëses së agjencisë Juela Selimi, krahu i djathtë i Kolekës me një mesazh romantik në sfond, pa asnjë lidhje me përmbajtjen e faqes zyrtare të qeverisë.
Angelo Koleka u emërua në krye të agjencisë pa asnjë kontribut real, por vetëm për faktin se është linjë gjaku me kryeministrin Rama. Gjatë ushtrimit të detyrës së tij në agjenci, Koleka njihet per paaftësi dhe që nuk manaxhon dot as faqet zyrtare të institucionit që drejton.
Koleka e ka nisur karrierën si drejtor i ADISA-s dhe si sejmen i ish drejtoreshës së bashkëqeverisjes Eridana Çano, i cili si “medalje karriere” ka mbylljen e këtij institucioni. Pas marrjes në drejtimi të agjencisë, nisi dhe degradimi i saj, ku kontributin më të madh e dha Koleka, pasi e ktheu agjencinë në kuplara, ku meritokraci ishte marrëdhëniet e ngrohta me drejtorin dhe jo profesionalizmi në punë.
Sipas disa raporteve dhe denoncimeve mediatike, rezulton se fëmijët e deputetëve dhe kryebashkiakëve kanë kapur administratën publike. Sipas një investigimi bazuar mbi deklaratën e pasurisë të shumë politikanëve dhe zyrtarëve të lartë rezulton, se pjesa më e madhe e të afërmve të zyrtarëve të lartë janë të punësuar në institucionet publike.
Nepotizmi ndikon negativisht në performancën dhe kulturën organizative, por me sa duket për qeverinë Rama 3, rekomandimet bien në vesh të shurdhër, për sa kohë administrata publike është mbushur me individë partiak dhe analfabetë funksional, të afërm të politikanëve shqiptarë që drejtojnë institucionet shtetërore.
