Publikimi i kontratës së Doktorit për 6 milionë dollarë për të hequr “non grata”-n e lehtësoi pak Mulin.
-Tani do duket kush e do vërtet me emër Doktorin nga këta biznesmenët, i tha Lelos.
Ne do t’ua japim paratë cash, ata do na i kalojnë me bankë.
-Vështirë do jetë, tha Lelo. Para 11 majit s’e bëjnë.
Po fituam pas 11 majit, do jetë radhë e madhe pastaj.
-Është shifër shumë e madhe, tha Muli, dhe tremben.
-Ne duhet të gjejmë një mënyrë ta justifikojmë, tha Lelo.
Më 1991, kur ra komunizmi dhe erdhi Bejkeri në Shqipëri, i premtoi Shqipërisë 6 milionë dollarë.
Tani Doktori po ja kthen prapë SHBA-së dollarët.
Nuk i ka më borxh. Ata duhet t’ia heqin “non grata”-n.
-Nuk është puna e Doktorit, tha Muli, se Doktori u plak tani.
Puna është t’ia heqim Zenit dhe Gitës që të kemi pasardhës.
Kjo na pengon. Po jua hoqi atyre, atëherë PD nuk ka më krizë, se ka vazhdimësi Familja në krye të PD.
Ndryshe tani i bie ta marrë Abi, ose Karmina.
-Po ke të drejtë, tha Lelo.
Ajo do na shpëtonte nga konkurrenca, se kanë ngritur veshët të gjithë këta të rinjtë për datën 12 maj.
-E vetmja mënyrë të ruajmë unitetin e PD është që të paguajmë sa duan ata, vetëm t’ia heqin, tha Lelo.
Vetëm se e keqja është se duhen lekë në bankë dhe kur dëgjojnë demokratët 6 milionë dollarë, u ikën truri.
Iu duhet shpjeguar që këto janë për të mirën e PD-së, për të ardhmen e saj, pasi me kaq para e kemi të siguruar pasardhësin.
-Dakord jam, tha Lelo. Do punojmë në këtë drejtim.
Në fund të fundit, ai me paratë e veta po i heq, thjesht i duhen para në bankë.
Dhe nëse t’ia japin me një lloj përqindjeje, e përballon.
Pastaj, sa të marrim pushtetin, i zëvendësojmë brenda muajit.
