Prej disa orësh sistemi i bankës “Raiffaisen Bank” ka rënë, duke i çuar klientët e saj në panik, për sa kohë disa prej tyre kanë depozituar para në bankomatët e filialeve të ndryshme, por paratë nuk janë pasqyruar në llogari.
Nga frika se mos paratë e tyre kanë avulluar dhe sistemi nuk ka i ka regjistruar hyrjet apo daljet, klientë të ndryshëm janë munduar të kontaktojnë numrin e kontaktit të bankës, por pa marrë asnjë përgjigje deri tani.
Disa nga klientët shprehen të shqetësuar, pasi kanë provuar disa herë të tërheqin para nga llogaria e tyre, por ka qenë e pamundur pasi bankomatët nuk tregojnë se ata disponojnë para në llogari.
Ky paralizim i sistemit bakar, të një prej bankave më të rëndësishme të nivelit të dytë në vend, ka çuar në krizë të gjithë klientët e “Raiffeisen Bank”, të cilët as nuk mund të tërheqin dot para nga llogaria, as nuk mund të depozitojnë para në llogari përmes bankomatëve për të kryer pagesat e domosdoshme.
Nuk e dimë ende nëse ky ka qenë një sulm kibernetik që ka çuar bankën në kolaps apo rënie e sistemit, por ajo që dimë jo zyrtarisht, është se klient të bankës kanë mbetur pa përgjigje se: Ku janë paratë e tyre?/Ekskluzive.al
