Ky njeri sot dhe dje lideri maximus i shtetit dhe drejtësisë ankohet se po “vdes drejtësia”? Po, ajo gati ka vdekur nga “përdhunimet në grup” të politikës së tij dhe pasuesve të tij djathtas dhe majtas! Po dhe majtas që duken sikur nuk janë fajtorë dhe që kanë pranuar me faj të tyre, një sistem të tillë xhahilësh të ligjit! Ndërkombëtarët, amerikanët, europianët, e kanë gjetur në gjendje të rëndë drejtësinë shqiptare!
Besi Bekteshi
Njeriu që ka prishur çdo lloj reforme dhe sistemi në Shqipërinë e mbas viteve 1990-të, ose kohën kur kishte shpresë për drejtësi, është Sali Berisha! Atij sot i vjen keq se drejtësia (KPK) me njerëzit sigurisht jo të zgjedhur nga ai, por një sistem padyshim shumë herë më i mirë se në kohën e tij, por largon monstra sistemi dhe reformash të pa drejta të ngritura nga ish anëtari i një partie që drejtësinë e kishte ideologjike dhe diktaturë të proletariatit!
Sali Berisha bëri reformën e “drejtësisë politike” padyshim më të korruptuarën si në krahasim me monarkinë dhe pa asnjë fjalë e diskutim edhe diktaturën!
Në regjimin monarkik nuk shkonin dot deri te drejtësia politike dhe fyese në ligje e në diktaturë ishin ideologjikë dhe të pa mëshirshëm, por jo monstra të tillë pronash dhe spekullimi ligjor për t’u pasuruar harbutërisht! Berisha për dy dekada transformoi me “reformën” e tij në drejtësi, konceptin mbi ligjin dhe mbi prokurorinë e gjykatat!
Nën “mësimet dhe katapultimet e tij” u formuan gjykatat e maskarenjve të pronës, krimit dhe ryshfetit, prokuroritë politike dhe të mbrojtjes së krimit politik dhe atij ordiner me fqinjësi politike! Avokatia e kësaj reforme të Berishës u bë seksere mes Gjykatësit dhe Prokurorit, duke rrëzuar plotësisht drejtësinë në Shqipëri!
Ky njeri sot dhe dje lideri maximus i shtetit dhe drejtësisë ankohet se po “vdes drejtësia”? Po, ajo gati ka vdekur nga “përdhunimet në grup” të politikës së tij dhe pasuesve të tij djathtas dhe majtas! Po dhe majtas që duken sikur nuk janë fajtorë dhe që kanë pranuar me faj të tyre, një sistem të tillë xhahilësh të ligjit! Ndërkombëtarët, amerikanët, europianët, e kanë gjetur në gjendje të rëndë drejtësinë shqiptare!
Prandaj kanë vënë dorë kaq të ashpër dhe kaq fuqiplotë dhe pse kjo reformë po sabotohet haptas nga PD dhe njerëzit e inkriminuar të saj dhe mikes LSI, por në fshehtësi dhe nga njerëz të lartë të politikës nga PS, të cilët do të përgjigjen edhe ato shumë rëndë, për bashkëpunimin dhe rrënimin e sistemit të drejtësisë përgjatë këtyre 25 viteve e më shumë! E dinë të gjithë se po filloi sistemi punën ka shumë pak shanse, që të rrinë në politikë mostra, të cilat kanë vjedhur, përdhunuar dhe vrarë demokracinë në Shqipëri!
Reformat dhe sistemet në Shqipëri i kanë prishur njerëzit e politikës! Nuk ka një sistem të shëndoshë ky vend! Fjalët në erë të KM-së se “sistemi prish njerëzit” nuk i shkojnë Shqipërisë, por Suedisë! Në Shqipërinë folkpolitike, “tiranide e drejtësisë” edhe sistemi më i përkryer në botë nuk funksionon, sepse sëmundja është që te subjektet politike të cilat nuk janë sisteme demokracie por “organizime korruptive anti liri dhe demokraci”!
Po sigurisht, janë bashkësi në lartësitë e tyre, që i binden sundimit të kryetarit dhe aferave të tij financiare dhe politike! Janë bashkësi që statutin e kanë letër higjienike dhe që këtë letër e përdor vetëm kryetari i partisë, çdo ditë dhe çdo orë! Janë bashkësi në turp, për nga mungesa e demokracisë së brendshme! Këtyre monstrave i është “besuar” dhe ndërtimi i shtetit demokratik ku sundon ligji! Kjo është çmenduri!
Këtë gjë kanë kuptuar dhe ndërkombëtarët, që po merren me sistemin e drejtësisë! Tanimë po imponohen dhe pse punët shkojnë me vështirësi! Por kanë kuptuar se pa “drejtësi nuk ka në Shqipëri, as reforma dhe as sisteme normale”! Kanë kuptuar se pa “drejtësi nuk mund të ketë shtet të ligjit në Shqipëri”! Kanë kuptuar se Shqipëria nuk ka parë një ditë të vetme dhe nuk ka jetuar një ditë të vetme në sistem drejtësie normal dhe funksional! Kanë arritur që dikë ta kontrollojnë që të lejojë reformën e drejtësisë të kryhet! Ky njeri që është KM-ja sikur çdo gjë ta bëjë “yrnek” (e shembujt janë plot) por të mos pengojë reformën e të huajve në drejtësi, nesër do të jetë më i sigurtë se të tjerët!
Tashmë nuk është fjala e sistemit të drejtësisë! Ai, nga të huajt do të rregullohet! Tani është fjala e ngritjes së ligjit në sistem! Tani është fjala për sistemin e madh që është shteti, sistemi mes shoqërisë dhe ligjit, mes shoqërisë dhe pushtetit! Sistemi i madh ku shoqëria moderne vepron dhe mban në zbatim demokracinë! Asnjë shans nuk kishim me gjykatës dhe prokurorë të kalbur dhe monstra korrupsioni të një drejtësie të tillë, të ngrinim dhe mbanin sistem të madh shtetëror!
Ngrehina e madhe e shtetit ishte vendosur mbi kalbësira që jepnin tërmet të frikshëm çdo ditë! Ashtu vazhdon dhe sot! Por një gjë e mirë po bëhet, maskarenj dhe demonë të ligjit po largohen! Ata po ikin me turp dhe sistemi i parë ai i drejtësisë po tenton shërimin! Njerëzit me sa duket janë gjetur dhe po mbështeten!
Duhet pritur me durim deri sa institucioni i madh i drejtësisë, sistemi i saj të përkryhet dhe funksionojë! Duhet pritur rrjeta e tashmë ngritur mbi delirin në pasurim të politikës dhe aferave të saj të ndyra! Ajo ka filluar dhe po vepron! Ka rrugë të gjatë dhe ne nuk presin kaq gjatë, por të vonuar jemi gjithmonë dhe kjo nuk është vonesa e parë! Pra të shpresojmë të jetë shkak e praktikimit të demokracisë, si vonesa e fundit!
